.jpg)
കുപ്രസിദ്ധ മോഷ്ടാവ് ബണ്ടി ചോറിന് ജാമ്യം; മാനസിക നിലയിൽ പ്രശ്നമില്ലെന്ന് കണ്ടെത്തൽ
തിരുവനന്തപുരം: കുപ്രസിദ്ധ മോഷ്ടാവ് ബണ്ടി ചോര് എന്ന ദേവീന്ദര് സിംഗിന് ജാമ്യം അനുവദിച്ച് കോടതി. അഭിഭാഷകനെ കാണാനെത്തിയതെന്നാണ് താനെന്ന് ബണ്ടിചോര് പൊലീസിനോടു പറഞ്ഞിരുന്നു. എന്നാൽ പരസ്പര വിരുദ്ധമായി സംസാരിച്ചതോടെ ബണ്ടി ചോറിന്റെ മാനസികനില പരിശോധിക്കണമെന്ന് പൊലീസ് ആവശ്യപ്പെട്ടിരുന്നു. എന്നാല് ജാമ്യത്തില് വിടാന് കോടതി തീരുമാനിക്കുകയായിരുന്നു. സിജെഎം കോടതിയാണ് ജാമ്യം അനുവദിച്ചത്. മാനസിക നിലയിൽ പ്രശ്നമില്ലെന്ന് കണ്ടെത്തിയതോടെയാണ് ജാമ്യം അനുവദിച്ചത്. പരിശോധനാ ഫലത്തിൽ പ്രശ്നങ്ങൾ കാണുന്നില്ലെന്നും ചികിത്സയ്ക്ക് വിടേണ്ട ആവശ്യമില്ലെന്നും കോടതി വ്യക്തമാക്കി.
tRootC1469263">പേരൂർക്കട മാനസികാരോഗ്യ കേന്ദ്രത്തിലായിരുന്നു പരിശോധന നടത്തിയത്. ബണ്ടി ചോർ തിരുവനന്തപുരത്ത് തന്നെ തുടരുകയാണ്. ഇന്നലെയാണ് തിരുവനന്തപുരം തമ്പാനൂർ റെയിൽവേ സ്റ്റേഷനിൽ നിന്ന് ബണ്ടി ചോറിനെ കസ്റ്റഡിയിലെടുത്തത്. അഭിഭാഷകനെ കാണാനെത്തിയതെന്നാണ് ബണ്ടിചോർ പൊലീസ് ഉദ്യോഗസ്ഥരോട് പറഞ്ഞത്.
കഴിഞ്ഞ ദിവസം ഡല്ഹിയില് നിന്നുളള ട്രെയിനില് എറണാകുളം സൗത്ത് റെയില്വെ സ്റ്റേഷനില് എത്തിയ ബണ്ടിചോറിനെ കസ്റ്റഡിയിൽ എടുത്തതിന് ശേഷം വിട്ടയച്ചിരുന്നു. അന്തരിച്ച അഭിഭാഷകന് ബി എ ആളൂരിനെ കാണാന് എത്തിയതെന്നാണ് ബണ്ടിചോർ പൊലീനോട് പറഞ്ഞത്. ആളൂര് അന്തരിച്ച വിവരം ബണ്ടി ചോര് അറിഞ്ഞിരുന്നില്ല. കരുതല് തടങ്കലെന്ന നിലയില് പൊലീസ് കസ്റ്റഡിയിലെടുത്ത് ചോദ്യംചെയ്തപ്പോഴാണ് ബണ്ടി ചോര് ഇക്കാര്യം പൊലീസിനോട് പറഞ്ഞത്.
നേരത്തെ ഉണ്ടായിരുന്ന ഒരു കേസുമായി ബന്ധപ്പെട്ട തൊണ്ടിമുതല് വിട്ടുകിട്ടാനായി ഹര്ജി നല്കാന് എത്തിയതാണെന്നും അഭിഭാഷകനായ ആളൂരിനെ കാണാനാണ് താന് വന്നതെന്നും ബണ്ടി ചോര് മൊഴി നല്കിയിരുന്നു. തൃശ്ശൂരില് ഉണ്ടായിരുന്ന കവര്ച്ചാ കേസുമായി ബന്ധപ്പെട്ട് പൊലീസ് പിടിച്ചെടുത്ത രണ്ട് ബാഗുകള്, 76,000 രൂപ, മൊബൈല് ഫോണ് എന്നിവ വിട്ടു കിട്ടണമെന്നും ബണ്ടി ചോർ ആവശ്യപ്പെട്ടത്