.jpg)
ഇനി ആരുടെയും നെറ്റിയിലെ കുങ്കുമം മായ്ക്കാന്‍ അനുവദിക്കില്ല ,മായ്ച്ചുകളയാന്‍ ശ്രമിക്കുന്നവരെ അവരുടെ വീട്ടില്‍ കയറി കൊല്ലും : ഡല്‍ഹി മുഖ്യമന്ത്രി
ഡല്‍ഹി: ഇനി ആരുടെയും നെറ്റിയിലെ കുങ്കുമം മായ്ക്കാന്‍ തങ്ങള്‍ അനുവദിക്കില്ലെന്ന് ഡല്‍ഹി മുഖ്യമന്ത്രി രേഖ ഗുപ്ത. അത് മായ്ച്ചുകളയാന്‍ ശ്രമിക്കുന്നവരെ അവരുടെ വീട്ടില്‍ കയറി കൊല്ലുമെന്ന് ഡല്‍ഹി മുഖ്യമന്ത്രി എക്സില് പോസ്റ്റ് ചെയ്തു.
രാജ്യത്തെ ധീരരായ സൈനികര്‍ക്ക് സല്യൂട്ട്. പ്രധാനമന്ത്രി നരേന്ദ്ര മോദിയുടെ നേതൃത്വത്തിന് സല്യൂട്ട്. അവര്‍ എക്സില് കുറിച്ചു.പഹല്‍ഗാമില്‍ കൊല്ലപ്പെട്ട 26 നിരപരാധികളോടുള്ള ആദരസൂചകമായാണ് ഓപ്പറേഷന്‍ സിന്ദൂര്‍ നടത്തിയത് എന്നും അവര്‍ പറഞ്ഞു. ജമ്മു കശ്മീരിലെ പഹല്‍ഗാമില്‍ നടന്ന ഭീകരാക്രമണത്തിന് മറുപടിയായി പാകിസ്ഥാനിലെ ഭീകര ക്യാമ്പുകള്‍ ഇന്ത്യ ആക്രമിച്ചതിനെ തുടര്‍ന്ന് ഇന്ത്യ-നേപ്പാള്‍ അതിര്‍ത്തിയില്‍ കനത്ത ജാഗ്രതാ നിര്‍ദ്ദേശം നല്‍കി.
അതിര്‍ത്തിയിലെ പ്രധാന പാതകളിലും ഫുട്പാത്ത് റൂട്ടുകളിലും സുരക്ഷാ ഏജന്‍സികള്‍ ജാഗ്രത പാലിക്കുന്നു. അതിര്‍ത്തി കടന്നെത്തുന്നവരെ കര്‍ശനമായി പരിശോധിക്കുന്നുണ്ട്.സോണൗലി അതിര്‍ത്തിയില്‍ നുഴഞ്ഞുകയറ്റം തടയാന്‍, എസ്എസ്ബിയുടെ 22-ാമത് ബറ്റാലിയനും പോലീസ് ഉദ്യോഗസ്ഥരും സംയുക്തമായി ആളുകളെ പരിശോധിക്കുന്നുണ്ട്.
നേപ്പാളില്‍ നിന്ന് ഇന്ത്യയിലേക്ക് പ്രവേശിക്കുന്ന എല്ലാ വാഹനങ്ങളും അവയില്‍ സൂക്ഷിച്ചിരിക്കുന്ന സാധനങ്ങളും സൂക്ഷ്മമായി പരിശോധിക്കുന്നുണ്ട്. അതിര്‍ത്തി കടക്കുന്നവരുടെ തിരിച്ചറിയല്‍ കാര്‍ഡുകളും പരിശോധിക്കുന്നുണ്ട്.
