.jpg)
നീറ്റ് ; ഇന്ന് രാജ്യവ്യാപക മോക്ക് ഡ്രില്
Jun 20, 2026, 05:52 IST
രാവിലെ ഒന്പത് മണിക്ക് ആരംഭിച്ചു വൈകുന്നേരം വരെ നീണ്ടുനില്ക്കുന്ന മോക്ക് ഡ്രില്ലില് രണ്ടര ലക്ഷത്തിലധികം സുരക്ഷാ ഉദ്യോഗസ്ഥര് ഭാഗമാകും.
ജൂണ് 21ന് നടക്കുന്ന നീറ്റ് യുജി പുനപരീക്ഷയ്ക്ക് മുന്നോടിയായി നാഷണല് ടെസ്റ്റിങ് ഏജന്സി (എന്ടിഎ) ഇന്ന് രാജ്യവ്യാപക മോക്ക് ഡ്രില് സംഘടിപ്പിക്കും. പരീക്ഷയുടെ സുഗമമായ നടത്തിപ്പ് ഉറപ്പാക്കുന്നതിനാണ് മോക്ക് ഡ്രില് സംഘടിപ്പിക്കുന്നത്. രാവിലെ ഒന്പത് മണിക്ക് ആരംഭിച്ചു വൈകുന്നേരം വരെ നീണ്ടുനില്ക്കുന്ന മോക്ക് ഡ്രില്ലില് രണ്ടര ലക്ഷത്തിലധികം സുരക്ഷാ ഉദ്യോഗസ്ഥര് ഭാഗമാകും.
ചോദ്യപ്പേപ്പര് ചോര്ന്നതിനെ തുടര്ന്ന് മെയ് മൂന്നിന് നടന്ന നീറ്റ് യുജി പരീക്ഷ റദ്ദാക്കിയതോടെയാണ് ജൂണ് 21ന് പുനപരീക്ഷ നടക്കുന്നത്. രാജ്യത്തെ 5000ത്തിലധികം പരീക്ഷാ കേന്ദ്രങ്ങളിലും രാജ്യത്തിന് പുറത്തെ 14 കേന്ദ്രങ്ങളിലുമായി 23 ലക്ഷത്തോളം വിദ്യാര്ത്ഥികളാണ് പരീക്ഷയെഴുതുക.
