.jpg)
മെസി ഇന്ന് ഡല്ഹിയില്; പ്രധാനമന്ത്രിയുമായി കൂടിക്കാഴ്ച നടത്തും
രാവിലെ 10.45ന് ഡല്ഹിയിലെത്തുന്ന മെസ്സി 50 മിനിറ്റ് നീണ്ടുനിന്ന 'മീറ്റ് ആന്ഡ് ഗ്രീറ്റ്' സെഷന് ശേഷം പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തും
അര്ജന്റീന ഫുട്ബോള് താരം ലിയോണല് മെസി ഇന്ന് ഡല്ഹിയില്. രാവിലെ 10.45ന് ഡല്ഹിയിലെത്തുന്ന മെസ്സി 50 മിനിറ്റ് നീണ്ടുനിന്ന 'മീറ്റ് ആന്ഡ് ഗ്രീറ്റ്' സെഷന് ശേഷം പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തും. ഇവിടെ 20 മിനിറ്റോളം ചിലവഴിക്കുമെന്നാണ് വിവരം. ഇന്ത്യയിലെ അര്ജന്റീന അംബാസഡര് മരിയാനോ അഗസ്റ്റിന് കൗസിനോ, ചീഫ് ജസ്റ്റിസ് സൂര്യ കാന്ത്, കരസേനാ മേധാവി ജനറല് ഉപേന്ദ്ര ദ്വിവേദി എന്നിവരുമായും കൂടിക്കാഴ്ച നടത്തും. പ്രഫുല് പട്ടേല് എംപിയുടെ വസതിയിലാണ് കൂടിക്കാഴ്ച.
tRootC1469263">വൈകീട്ട് 3.30ന് ഫിറോസ് ഷാ ഖോട്ലയില് നടക്കുന്ന പരിപാടികളില് പങ്കെടുത്തശേഷമാകും മെസിയുടെ മടക്കം. കൊല്ക്കത്ത, ഹൈദരാബാദ്, മുംബൈ എന്നിവിടങ്ങളിലെ സന്ദര്ശനത്തിന് ശേഷമാണ് മെസി ഡല്ഹയില് എത്തുന്നത്. ഇന്നലെ മുംബൈയിലെ പര്യടനം അക്ഷരാര്ധത്തില് ആരാധകരെ ഇളക്കി മറിച്ചു. വാങ്കഡെ സ്റ്റേഡിയത്തില് കുട്ടികള്ക്കൊപ്പം പന്ത് തട്ടിയും ഷൂട്ടൗട്ടില് പങ്കെടുത്തും മെസ്സി ആവേശ തിരമാല തീര്ത്തു. സച്ചിന് ടെണ്ടുല്ക്കറും മെസിക്കൊപ്പം വേദിയില് എത്തി.
