.jpg)
പ്രസവത്തിനായി ആശുപത്രിയില് പ്രവേശിപ്പിച്ച ഭാര്യയെ കാണാനെത്തിയ യുവാവ് വെട്ടേറ്റു മരിച്ചു
Updated: Jan 13, 2026, 16:54 IST
ഹെല്മെറ്റ് ധരിച്ചെത്തിയ നാലംഗ സംഘം ഇയാളെ വെട്ടിപ്പരിക്കേല്പ്പിച്ച ശേഷം ഓടി രക്ഷപ്പെടുകയായിരുന്നു
ചെന്നൈ: പ്രസവത്തിനായി ആശുപത്രിയില് പ്രവേശിപ്പിച്ച ഭാര്യയെ കാണാനെത്തിയ യുവാവ് വെട്ടേറ്റു മരിച്ചു. ചൈന്നൈ കില്പോങ് മെഡിക്കല് കോളേജ് ആശുപത്രിയിലാണ് സംഭവം.രാജമംഗലം സ്വദേശി ആദി(28) ആണ് കൊല്ലപ്പെട്ടത്. നിരവധി കേസുകളില് പ്രതിയായ ഇയാളെ ആശുപത്രിയില് എത്തിയ അജ്ഞാതസംഘമാണ് വെട്ടിക്കൊലപ്പെടുത്തിയത്.
ഞായറാഴ്ച അർദ്ധരാത്രിയിലാണ് ഭാര്യയെ കാണാനായി ആദി ആശുപത്രിയില് എത്തിയത്. ഹെല്മെറ്റ് ധരിച്ചെത്തിയ നാലംഗ സംഘം ഇയാളെ വെട്ടിപ്പരിക്കേല്പ്പിച്ച ശേഷം ഓടി രക്ഷപ്പെടുകയായിരുന്നു.
ആശുപത്രിയില് രോഗികളുടെ സംരക്ഷണത്തിനായി നിയോഗിച്ചിരിക്കുന്ന രോഗികളുടെ കണ്മുന്നിലാണ് കൊലപാതകം നടന്നതെന്ന് രോഗികളുടെ കൂട്ടിരിപ്പുകാർ ആരോപിച്ചു.
