.jpg)
മലയാളി വിദ്യാര്ത്ഥി സൂറത്ത് എന്ഐടിയില് ജീവനൊടുക്കിയ സംഭവം ; പ്രതിഷേധവുമായി വിദ്യാര്ത്ഥികള്
Updated: Dec 2, 2025, 07:11 IST
ആശുപത്രിയില് പ്രവേശിപ്പിച്ചെങ്കിലും പിന്നീട് മരിച്ചു.
ഗുജറാത്തിലെ സൂറത്ത് എന്ഐടിയില് മലയാളി വിദ്യാര്ത്ഥി ജീവനൊടുക്കി. തൃശൂര് സ്വദേശി അദ്വൈത് നായരാണ് ജീവനൊടുക്കിയത്.കഴിഞ്ഞ ദിവസം പൂലര്ച്ചെ ഹോസ്റ്റല് കെട്ടിടത്തിന് മുകളില് നിന്ന് ചാടുകയായിരുന്നു. ആശുപത്രിയില് പ്രവേശിപ്പിച്ചെങ്കിലും പിന്നീട് മരിച്ചു.
അദ്വൈതിന്റെ മരണത്തിന് പിന്നാലെ പ്രതിഷേധവുമായി വിദ്യാര്ത്ഥികള് രംഗത്തെത്തി. അദ്വൈതിനെ കൃത്യസമയത്ത് ആശുപത്രിയില് എത്തിക്കുന്നതില് വാര്ഡന് അലംഭാവം കാണിച്ചെന്ന് വിദ്യാര്ത്ഥികള് ആരോപിച്ചു. വിദ്യാര്ത്ഥിക്ക് മതിയായ ചികിത്സ ലഭിച്ചില്ലെന്നും വിദ്യാര്ത്ഥികള് കുറ്റപ്പെടുത്തി. അതേസമയം വിദ്യാര്ത്ഥിക്ക് ചികിത്സ ലഭ്യമാക്കിയെന്നാണ് എന്ഐടി അധികൃതരുടെ വാദം
