ജിതേന്ദ്ര മിശ്രയെ ശ്രീരാമ ജന്മഭൂമി തീർത്ഥക്ഷേത്ര ട്രസ്റ്റിന്റെ ആദ്യ സിഇഒ ആയി തെരഞ്ഞെടുത്തു

 വിരമിച്ച എയർ മാർഷൽ ജിതേന്ദ്ര മിശ്രയെ ശ്രീരാമ ജന്മഭൂമി തീർത്ഥക്ഷേത്ര ട്രസ്റ്റിന്റെ ആദ്യ സിഇഒ ആയി തെരഞ്ഞെടുത്തു. അയ്യായിരത്തിലധികം അപേക്ഷകളിൽ നിന്നാണ് ഇദ്ദേഹത്തെ തെരഞ്ഞെടുത്തത്. ജിതേന്ദ്ര മിശ്ര ഓപ്പറേഷൻ സിന്ദൂറിന്റെ സമയത്ത് വെസ്റ്റേൺ കമാൻഡിന്റെ മേധാവിയായിരുന്നു. 

39 വർഷം ഇന്ത്യൻ വ്യോമസേനയിൽ സേവനമനുഷ്ഠിച്ച മുൻ ഫൈറ്റർ പൈലറ്റാണ് ഇദ്ദേഹം. ഡൽഹിയിൽനിന്നുള്ള മഹേഷ് ഭാഗ്ചന്ദക, അയോധ്യയിലെ മുൻ അഡീഷണൽ അഡ്വക്കേറ്റ് ജനറൽ മദൻ മോഹൻ പാണ്ഡെ, നിർമല യാദവ് എന്നിവരെ പുതിയ ട്രസ്റ്റികളായി നിയമിച്ചു.