ഇറാനെ ആക്രമിക്കാൻ ഇസ്രയേലിനെ പ്രേരിപ്പിച്ച ഘടകമെന്ത് ; ഒമർ അബ്ദുള്ള

ശ്രീനഗർ: ഇറാനെ ആക്രമിക്കാൻ ഇസ്രയേലിനെ പ്രേരിപ്പിച്ച ഘടകമെന്തെന്ന് ജമ്മു കശ്മീർ മുഖ്യമന്ത്രി ഒമർ അബ്ദുള്ള. ഇതൊരു നല്ല കാര്യമല്ല. എവിടെയും യുദ്ധം നല്ല കാര്യമല്ല. ഈ സംഘർഷം എത്രയും പെട്ടെന്ന് അവസാനിക്കുന്നോ അത്രയും നല്ലതെന്ന് അദ്ദേഹം പറഞ്ഞു. രണ്ടു മാസം മുൻപ് അമേരിക്കൻ ഇന്റലിജൻസ് മേധാവി പറഞ്ഞത് ഇറാൻ ആണവ ബോംബ് നിർമ്മിക്കുന്നതിന്റെ അടുത്തൊന്നും എത്തിയിട്ടില്ല എന്നാണ്. അതായിരുന്നു അന്നത്തെ തെളിവ്. ഇപ്പോൾ, രണ്ടു മാസത്തിനുശേഷം ഇസ്രയേൽ പെട്ടെന്ന് ഇറാനെ ആക്രമിച്ചിരിക്കുന്നു.