ഇന്ത്യൻ നേവിയിൽ അഗ്നിവീർ, സെയിലർ റിക്രൂട്ട്‌മെന്റ്; 2027 ബാച്ചിലേക്ക് ഇപ്പോൾ അപേക്ഷിക്കാം

ഇന്ത്യൻ നേവിയിലെ 2027 ബാച്ചിലേക്കുള്ള അഗ്നിവീർ എസ്.എസ്.ആർ (SSR), അഗ്നിവീർ എം.ആർ (MR), എസ്.എസ്.ആർ മെഡിക്കൽ സെയിലർ തസ്തികകളിലേക്കുള്ള രജിസ്ട്രേഷൻ നടപടികൾ ആരംഭിച്ചു. രാജ്യസേവനത്തിന് താൽപ്പര്യമുള്ള യോഗ്യരായ ഉദ്യോഗാർത്ഥികൾക്ക് ഇന്ത്യൻ നേവിയുടെ ഔദ്യോഗിക വെബ്‌സൈറ്റായ joinindiannavy.gov.in വഴി ഓൺലൈനായി അപേക്ഷ സമർപ്പിക്കാവുന്നതാണ്. നിശ്ചിത സമയപരിധിക്കുള്ളിൽ വെബ്സൈറ്റിൽ ലോഗിൻ ചെയ്ത് ആവശ്യമായ രേഖകൾ സഹിതം രജിസ്ട്രേഷൻ പൂർത്തിയാക്കാൻ ഉദ്യോഗാർത്ഥികൾ ശ്രദ്ധിക്കേണ്ടതാണ്.