.jpg)
പശ്ചിമേഷ്യയിലെ സംഘര്ഷം; ഒമാന് തീരത്ത് ഡ്രോണ് ആക്രമണത്തില് ഇന്ത്യക്കാരന് കൊല്ലപ്പെട്ടു
മസ്കറ്റ്: പശ്ചിമേഷ്യയില് സംഘര്ഷം തുടരുന്നതിനിടെ, ഒമാന് തീരത്ത് ഡ്രോണ് ആക്രമണത്തില് ഇന്ത്യക്കാരന് കൊല്ലപ്പെട്ടു. മസ്കറ്റില് കപ്പലിന് നേരെ ഉണ്ടായ ആക്രമണത്തിലാണ് ഇന്ത്യക്കാരന് മരിച്ചത്. ആളില്ലാ ഡ്രോണ് ബോട്ട് എണ്ണ ടാങ്കറില് ഇടിച്ചതിനെ തുടര്ന്നാണ് സംഭവം. ഇടിയുടെ ആഘാതത്തില് എണ്ണ ടാങ്കറിന് തീപിടിക്കുകയായിരുന്നു. എണ്ണ ടാങ്കറില് 16 ഇന്ത്യക്കാരും നാലു ബംഗ്ലാദേശികളും ഒരു യുക്രൈന് പൗരനുമാണ് ഉണ്ടായിരുന്നത്. ശേഷിക്കുന്നവരെ ടാങ്കറില് നിന്ന് ഒഴിപ്പിച്ചതായി അധികൃതര് അറിയിച്ചു. ഇസ്രയേലും അമേരിക്കയും സംയുക്തമായി ഇറാന് നേരെ നടത്തുന്ന സൈനിക നീക്കത്തിനിടെയാണ് സംഭവം.
tRootC1469263">മസ്കത്ത് ഗവര്ണറേറ്റിലെ പോര്ട്ട് സുല്ത്താന് ഖാബൂസിന് ഏകദേശം 52 നോട്ടിക്കല് മൈല് വടക്കുപടിഞ്ഞാറായാണ് ആക്രമണം നടന്നത്. റിപ്പബ്ലിക് ഓഫ് മാര്ഷല് ദ്വീപുകളുടെ പതാക വഹിച്ചിരുന്ന MKD VYOM എന്ന ടാങ്കറിന് നേരെയാണ് ആക്രമണം ഉണ്ടായത്. ടാങ്കറില് ഏകദേശം 59,463 മെട്രിക് ടണ് എണ്ണയാണ് ഉണ്ടായിരുന്നത്. ആളില്ലാ ബോട്ട് ടാങ്കറില് ഇടിക്കുകയും പ്രധാന എന്ജിന് മുറിയില് തീപിടിത്തവും സ്ഫോടനവും ഉണ്ടാകുകയും ചെയ്തതായി അധികൃതര് വ്യക്തമാക്കി. ആക്രമണത്തിന് പിന്നില് ആരാണെന്ന് അധികൃതര് ഇതുവരെ വെളിപ്പെടുത്തിയിട്ടില്ല.
