.jpg)
ഇന്ത്യ- യുഎസ് വ്യാപാര കരാര് നയതന്ത്ര വിജയമെന്ന് പ്രധാനമന്ത്രി നരേന്ദ്രമോദി
ഇന്ത്യ ക്ഷമയോടെ കത്തിരുന്നുവെന്നും അതിന്റെ ഫലം ലഭിച്ചുവെന്നും പ്രധാനമന്ത്രി യോഗത്തില് പറഞ്ഞു
ന്യൂഡല്ഹി: ഇന്ത്യ- യുഎസ് വ്യാപാര കരാര് നയതന്ത്ര വിജയമെന്ന് പ്രധാനമന്ത്രി നരേന്ദ്രമോദി. എന്ഡിഎ പാര്ലമെന്ററി പാര്ട്ടി യോഗത്തില് സംസാരിക്കുകയായിരുന്നു മോദി. ഇന്ത്യ ക്ഷമയോടെ കത്തിരുന്നുവെന്നും അതിന്റെ ഫലം ലഭിച്ചുവെന്നും പ്രധാനമന്ത്രി യോഗത്തില് പറഞ്ഞു.താരിഫ് ചര്ച്ചകളെക്കുറിച്ചുള്ള മുന് വിമര്ശനങ്ങള് ഇപ്പോള് ഒരു നല്ല ഫലത്തിലേക്ക് എത്തിച്ചേര്ന്നുവെന്നും വ്യാപാര കരാര് അനുകൂലമായ ഒരു സാമ്പത്തിക അന്തരീക്ഷം സൃഷ്ടിച്ചുവെന്നും പ്രധാനമന്ത്രി പറഞ്ഞു.
ആഗോള വ്യാപാര ചര്ച്ചകളോടുള്ള സര്ക്കാരിന്റെ സ്ഥിരതയുള്ളതും കണിശവുമായ സമീപനത്തെ കരാര് പ്രതിഫലിപ്പിക്കുന്നുവെന്നും മോദി അഭിപ്രായപ്പെട്ടു. ലോകക്രമം മാറിക്കൊണ്ടിരിക്കുന്നു, അതിന്റെ പാത ഇന്ത്യയിലേക്ക് കൂടുതല് കൂടുതല് ചായുകയാണ്. ഇന്ന് പല രാജ്യങ്ങളിലെയും വ്യാപാര സംഘര്ഷങ്ങള്ക്കിടയിലും ഇന്ത്യ നേട്ടമുണ്ടാക്കുന്നു. മോദി പറഞ്ഞു. വ്യാപാരക്കരാറിൽ തീരുമാനമായതിനു പിന്നാലെ ചേർന്ന എൻഡിഎ പാർലമെൻ്ററി യോഗത്തിൽ നിറഞ്ഞ കരഘോഷത്തോടെയും അഭിനന്ദനങ്ങളോടെയുമാണ് പ്രധാനമന്ത്രി നരേന്ദ്ര മോദിയെ വരവേറ്റത്.
