പെട്രോളിന്റെയും ഡീസലിന്റെയും എക്സൈസ് തീരുവ കുറച്ച്‌ കേന്ദ്ര സര്‍ക്കാര്‍

 ഇസ്രായേലും ഇറാനും തമ്മിലുള്ള യുദ്ധം മൂലമുണ്ടായ ആഗോള പ്രതിസന്ധിക്കിടയില്‍, കേന്ദ്ര സർക്കാർ പെട്രോളിന്റെയും ഡീസലിന്റെയും എക്സൈസ് തീരുവ 10 രൂപ കുറച്ചു.ഇതോടെ പെട്രോളിന്റെ എക്സൈസ് തീരുവ ലിറ്ററിന് 13 രൂപയില്‍ നിന്ന് 3 രൂപയായി കുറഞ്ഞു.

ഡീസലിന് തീരുവ ഇല്ല.ഇന്ത്യയിലെ ഏറ്റവും വലിയ സ്വകാര്യ ഇന്ധന ചില്ലറ വ്യാപാരിയായ നയാര എനർജി പെട്രോള്‍ വില ലിറ്ററിന് 5 രൂപയും ഡീസലിന് 3 രൂപയും വർദ്ധിപ്പിച്ചതിന് ശേഷമാണ് സർക്കാർ നടപടി.

എക്സൈസ് തീരുവ കുറച്ചതിലൂടെ ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (HPCL), ഭാരത് പെട്രോളിയം കോർപ്പറേഷൻ ലിമിറ്റഡ് (BPCL), ഇന്ത്യൻ ഓയില്‍ കോർപ്പറേഷൻ ലിമിറ്റഡ് (IOC) തുടങ്ങിയ എണ്ണ വിപണന കമ്പനികള്‍ക്ക് ഉപഭോക്താക്കള്‍ക്ക് പെട്രോള്‍, ഡീസല്‍ നിരക്കുകള്‍ സ്ഥിരമായി നിലനിർത്താൻ സഹായിക്കും.