.jpg)
മൂടല് മഞ്ഞും വായു മലിനീകരണവും; ഡല്ഹിയില് ജനജീവിതം ദുസ്സഹം
കനത്ത പുകമഞ്ഞിനെ തുടർന്ന് ഡല്ഹിയില് നിന്ന് തിരുവനന്തപുരത്തേക്കുള്ള എയർഇന്ത്യ വിമാന സർവീസ് റദ്ദാക്കി
ഡല്ഹി: മൂടല് മഞ്ഞും വായുമലിനീകരണവും മൂലം ഡല്ഹിയില് ജനജീവിതം ദുസ്സഹമായി തുടരുന്നു. കനത്ത മൂടല് മഞ്ഞിനെ തുടർന്ന് ഡല്ഹിയില് നിന്നുള്ള വിമാന സർവീസുകളും ട്രെയിനുകളും വൈകുന്നുണ്ട്.ഡല്ഹിയില് വായു മലിനീകരണവും രൂക്ഷമായി തുടരുകയാണ്. വായു ഗുണനിലവാര സൂചിക 400 നു മുകളിലെത്തിയിരിക്കുകയാണ്. മഞ്ഞ് ഉത്തരേന്ത്യൻ സംസ്ഥാനങ്ങളെ ദുരിതത്തിലാക്കിയിട്ടുണ്ട്. ബീഹാറില് സ്കൂള് സമയം രാവിലെ 9 മുതല് വൈകിട്ട് 4. 30 വരെ ആക്കിയിട്ടുണ്ട്. ശൈത്യകാലത്തെ തുടർന്നാണ് നടപടി. ഇന്നു മുതല് ഈ മാസം 25 വരെയാണ് സമയക്രമത്തില് മാറ്റം
tRootC1469263">കനത്ത പുകമഞ്ഞിനെ തുടർന്ന് ഡല്ഹിയില് നിന്ന് തിരുവനന്തപുരത്തേക്കുള്ള എയർഇന്ത്യ വിമാന സർവീസ് റദ്ദാക്കി.ഇതോടെ, വിദേശത്തുനിന്ന് ഡല്ഹി വഴി കേരളത്തിലേക്കു ടിക്കറ്റെടുത്ത യാത്രക്കാർ ഉള്പ്പെടെ പ്രതിസന്ധിയിലായി.
യാത്രക്കാർക്ക് റീഫണ്ട് ഏഴുദിവസത്തിനകം നല്കുമെന്നും സ്വന്തം ചെലവില് നാട്ടിലേക്ക് മടങ്ങണമെന്നാണ് എയർഇന്ത്യ അധികൃതർ അറിയിച്ചിരിക്കുന്നത്. എന്നാല്, എയർഇന്ത്യ ബദല് സംവിധാനം ഒരുക്കണമെന്നാണ് യാത്രക്കാരുടെ ആവശ്യം.
പുകമഞ്ഞില് ദൃശ്യപരത പൂജ്യത്തിലേക്കെത്തിയതോടെ ഡല്ഹിയില് റെയില്, വ്യോമ ഗതാഗതം താറുമാറായിരിക്കുകയാണ്. നിരവധി വിമാന സർവീസുകള് വൈകുന്നുണ്ട്. കനത്ത മുടല്മഞ്ഞിനെ തുടർന്ന് ദില്ലിയില് റെഡ് അലർട്ട് പ്രഖ്യാപിച്ചിട്ടുണ്ട്.
വ്യോമ, റെയില് റോഡ് ഗതാഗതം താറുമാറുമായി. ഫ്ലൈറ്റ് സ്റ്റാറ്റസ് പരിശോധിച്ചതിന് ശേഷം മാത്രം യാത്രക്കാർ വിമാനത്താവളങ്ങളിലേക്ക് എത്തിയാല് മതിയെന്ന് വിമാനക്കമ്ബനികള് അറിയിച്ചിട്ടുണ്ട്.റോഡ് യാത്രികരും ജാഗ്രത പുലർത്തണമെന്ന് അറിയിപ്പുണ്ട്. പലമേഖലകളിലും കാഴ്ച പരിധി പൂജ്യമായിട്ടുണ്ട്. എതിർവശത്തുള്ള വാഹനങ്ങള് കാണാൻ കഴിയാതെ അപകടമുണ്ടാവും എന്ന് പറഞ്ഞാണ് ജാഗ്രത നിർദേശം നല്കിയിരിക്കുന്നത്.
മൂടല് മഞ്ഞിനോടൊപ്പം വായു മലിനീകരണം കൂടി രൂക്ഷമായതോടെ ഡല്ഹിയിലെ ജനജീവിതം പൂർണമായി ദുസ്സഹമായിരിക്കുകയാണ്. നിയന്ത്രണങ്ങള് കടുപ്പിച്ചിട്ടും വലിയ മാറ്റം പ്രകടമല്ല. എന്നാല്, നിയന്ത്രണങ്ങള് ഡല്ഹിയിലെ വായു ഗുണനിലവാരം മെച്ചപ്പെടുത്തി എന്നാണ് ഡല്ഹി സർക്കാർ നിലപാട്. ഡല്ഹിയുടെ അതിർത്തികളില് പരിശോധന ശക്തമാക്കിയിട്ടുണ്ട്. ബിഎസ് 4 ന് മുകളിലുള്ള വാഹനങ്ങള് മാത്രമാണ് ഡല്ഹിയിലേക്ക് കടത്തിവിടുന്നത്. പുക സർട്ടിഫിക്കറ്റ് ഇല്ലാത്ത 3476 വാഹനങ്ങള്ക്കാണ് പിഴ ചുമത്തിയിരിക്കുന്നത്. പുക സർട്ടിഫിക്കറ്റ് ഇല്ലാത്ത വാഹനങ്ങള്ക്ക് ഡല്ഹിയില് ഇന്ധനം നല്കുന്നില്ല.