.jpg)
അസമിൽ വെള്ളപ്പൊക്കം രൂക്ഷം
Jun 5, 2025, 18:07 IST
ഗുവാഹത്തി: അസമിൽ വെള്ളപ്പൊക്ക സാഹചര്യം ഗുരുതരമായി തുടരുകയാണ്. സംസ്ഥാനത്തെ 21 ജില്ലകളിലായി ഏഴ് ലക്ഷത്തോളം ആളുകളെ പ്രളയം ബാധിച്ചതായി അധികൃതർ അറിയിച്ചു. പ്രധാന നദികളിലെ ജലനിരപ്പ് ക്രമാതീതമായി ഉയരുന്നത് ആശങ്ക വർദ്ധിപ്പിക്കുന്നുണ്ട്. ബുധനാഴ്ച രണ്ട് പേരുടെ മരണം കൂടി റിപ്പോർട്ട് ചെയ്തതോടെ, വെള്ളപ്പൊക്കത്തിലും മണ്ണിടിച്ചിലിലുമായി മരിച്ചവരുടെ എണ്ണം 19 ആയി ഉയർന്നു. കാച്ചർ ജില്ലയിൽ ഒരാളെ കാണാതായിട്ടുമുണ്ട്.
tRootC1469263">ബ്രഹ്മപുത്ര ഉൾപ്പെടെ ഒമ്പത് പ്രധാന നദികൾ സംസ്ഥാനത്തുടനീളം അപകടനിലയ്ക്ക് മുകളിലാണ് ഒഴുകുന്നത്. കാച്ചർ ജില്ലയിലെ ബരാക് നദിയിലും അതിന്റെ പോഷകനദികളിലും ജലനിരപ്പ് ഉയരുന്നത് സ്ഥിതി കൂടുതൽ വഷളാക്കുന്നു. ചില നദികൾ ചുവപ്പ് അടയാളത്തിന് മുകളിലൂടെയാണ് ഒഴുകുന്നത്.
