.jpg)
മണിപ്പൂരിൽ വീണ്ടും വെടിവെയ്പ്പ്; രണ്ട് കുക്കി സ്ത്രീകൾക്ക് ദാരുണാന്ത്യം
നഴ്സിംങ് പഠനം പൂര്ത്തിയാക്കിയ ശേഷം കൃഷിപ്പണിയില് മാതാപിതാക്കളെ സഹായിക്കാനായി നാട്ടിലെത്തിയ കിംബോയ് സിങ്സണും ആക്രമണത്തില് കൊല്ലപ്പെട്ടു.
ഇംഫാല്: മണിപ്പൂരിലെ താമെങ്ലോങ് ജില്ലയില് ഉണ്ടായ വെടിവെപ്പില് രണ്ട് കുക്കി സ്ത്രീകള്ക്ക് ദാരുണാന്ത്യം. ലെയ്സാങ് ഗ്രാമവാസികളായ ചോംഗ സിറ്റ്ലോ (60), കിംബോയ് സിങ്സണ് (30) എന്നിവരാണ് കൊല്ലപ്പെട്ടത്. ജിരിബാം-താമെങ്ലോങ് അതിര്ത്തിയിലെ ലെസാങ് കുക്കി ഗ്രാമത്തില് ചൊവ്വാഴ്ചയായിരുന്നു സംഭവം. കൃഷിയിടത്തില് ജോലി ചെയ്യുന്നതിനിടയിലാണ് ഇവര്ക്ക് നേരെ ആക്രമണമുണ്ടായത്.
നഴ്സിംങ് പഠനം പൂര്ത്തിയാക്കിയ ശേഷം കൃഷിപ്പണിയില് മാതാപിതാക്കളെ സഹായിക്കാനായി നാട്ടിലെത്തിയ കിംബോയ് സിങ്സണും ആക്രമണത്തില് കൊല്ലപ്പെട്ടു. ആക്രമണ സമയത്ത് ഒപ്പമുണ്ടായിരുന്ന മറ്റു ചില ഗ്രാമവാസികളെപ്പറ്റിയുള്ള വിവരങ്ങള് ഇതുവരെ ലഭ്യമായിട്ടില്ല. അവര്ക്കായുള്ള തിരച്ചില് തുടരുകയാണ്.
തുടര്ച്ചയായി ഉണ്ടാകുന്ന ഈ ആക്രമണങ്ങള് പ്രദേശത്തെ ഗോത്രവിഭാഗ ജനങ്ങളില് കടുത്ത ആശങ്കയും ഭീതിയും വര്ദ്ധിപ്പിച്ചിട്ടുണ്ട്. കൃഷിയിടങ്ങളെ ആശ്രയിച്ചു ജീവിക്കുന്ന സാധാരണക്കാരുടെ സുരക്ഷ ഉറപ്പാക്കണമെന്നും കുറ്റക്കാര്ക്കെതിരെ കര്ശന നടപടി സ്വീകരിക്കണമെന്നും കുക്കി-സോ സിവില് സൊസൈറ്റി സംഘടനകള് ആവശ്യപ്പെട്ടിട്ടുണ്ട്.