പടക്ക നിർമാണശാലയിൽ സ്ഫോടനം ; സ്ത്രീ ഉൾപ്പെടെ മൂന്ന് തൊഴിലാളികൾ പൊള്ളലേറ്റ് മരിച്ചു

തമിഴ്‌നാട് :  പടക്ക നിർമാണശാലയിൽ സ്ഫോടനം. ഒരു സ്ത്രീ അടക്കം മൂന്ന് തൊഴിലാളികൾ അപകടത്തിൽ മരിച്ചു. വിരുദുന​ഗറിലെ കരിയപട്ടിക്ക് സമീപത്താണ് സംഭവം.സംഭവസമയത്ത് എട്ട് പേരാണ് സ്ഥലത്തുണ്ടായിരുന്നത്. ​

ഗുരുതരമായി പരിക്കേറ്റ അഞ്ച് പേരെ സമീപത്തെ ആശുപത്രിയിലേക്ക് മാറ്റിയിട്ടുണ്ട്. അപകടകാരണം വ്യക്തമല്ല. ഇന്ന് പുലർച്ചെയായിരുന്നു സംഭവം. അ​ഗ്നിരക്ഷാസേനയും പൊലീസും സ്ഥലത്തെത്തിയിട്ടുണ്ട്. നാട്ടുകാരാണ് പരിക്കേറ്റ തൊഴിലാളികളെ ആശുപത്രിയിൽ എത്തിച്ചത്. സംഭവത്തിൽ കരിയപ്പെട്ടി പൊലീസ് കേസെടുത്ത് അന്വേഷണം ആരംഭിച്ചു.