എസ്ജെവിഎൻ ലിമിറ്റഡിൽ എക്സിക്യൂട്ടിവ് ട്രെയിനി ഒഴിവുകൾ

ഹിമാചൽ പ്രദേശിലെ എസ്ജെവിഎൻ ലിമിറ്റഡിൽ എക്സിക്യൂട്ടീവ് ട്രെയിനിയുടെ 114 ഒഴിവുകൾ. ഒരു വർഷ പരിശീലനം. തുടർന്ന് റഗുലർ നിയമനം. മേയ് 18 വരെ ഓൺലൈനായി അപേക്ഷിക്കാം.

ഒഴിവുള്ള വിഭാഗങ്ങളും യോഗ്യതയും:

1. സിവിൽ, മെക്കാനിക്കൽ, ഇലക്ട്രിക്കൽ: സിവിൽ / മെക്കാനിക്കൽ / ഇലക്ട്രിക്കൽ / ഇലക്ട്രിക്കൽ ആൻഡ് ഇലക്ട്രോണിക്‌സ് എൻജിനീയറിങ് ബിരുദം.
2. എച്ച്ആർ: ബിരുദം, എംബിഎ/പിജി ഡിപ്ലോമ (എച്ച്ആർ സ്പെഷലൈസേഷൻ).
3. എൻവയൺമെന്റ്: എൻവയൺമെൻ്റ് എൻജിനീയറിങ്ങിൽ ബിരുദം അല്ലെങ്കിൽ എൻവയൺമെൻ്റൽ എൻജിനീയറിങ് / എൻവയൺമെന്റൽ
സയൻസിൽ പിജി.
4. ജിയോളജി: ജിയോളജി/അപ്ലൈഡ് ജിയോളജി/ ജിയോഫിസിക്സിൽ എംഎസ്‌സി/ എംടെക് (എൻജിനീയറിങ് ജിയോളജി മുഖ്യ വിഷയമായി പഠിച്ച്) അല്ലെങ്കിൽ എൻജിനീയറിങ് ജിയോളജിയിൽ എംഎസ്‌സി/ എംടെക്.
5.ഐടി: കംപ്യൂട്ടർ സയൻസ്/കംപ്യൂട്ടർ എൻജിനീയറിങ്/ ഐടിയിൽ എൻജിനീയറിങ് ബിരുദം.
6. ഫിനാൻസ്: സിഎ/ഐസിഡബ്ല്യുഎ-സിഎം എ/എംബിഎ (ഫിനാൻസ്).
7. ലോ: നിയമ ബിരുദം.

30 വയസ്സാണ് പ്രായപരിധി. 50,000 മുതൽ 1,60,000 വരെ ശമ്പളം. കൂടുതൽ വിവരങ്ങൾക്ക്  www.sjvn.nic.in സന്ദർശിക്കുക.