.jpg)
മോഷണശ്രമത്തിനിടെ യുവതിയെ കുത്തി വീഴ്ത്തി പെട്രോള് ഒഴിച്ച് കത്തിച്ചു; ഒരാള് പിടിയില്
Updated: Jan 10, 2026, 14:12 IST
കടന്നുകളയാനായി ശ്രമിക്കുന്നതിനിടെ വീണു കാലൊടിഞ്ഞ ഇയാളുടെ പക്കല് നിന്ന് സ്വർണ മോതിരവും കമ്മലും പിടിച്ചെടുത്തു.
ചെന്നൈ: അറുമ്ബാക്കത്ത് മോഷണ ശ്രമത്തിനിടെ യുവതിയെ കുത്തി വീഴ്ത്തി പെട്രോള് ഒഴിച്ചു കത്തിച്ചു കൊന്ന കേസില് ഒരാള് പിടിയില്. അറുമ്ബാക്കം മെട്രോ സ്റ്റേഷനു സമീപം ചായക്കട നടത്തുന്ന ശ്രീനിവാസന്റെ ഭാര്യ അമുത (45) കൊല്ലപ്പെട്ടതില് ജൂസ് കട ഉടമയും ചെന്നൈ സ്വദേശിയുമായ ശാന്തകുമാറാണ് (28) പിടിയിലായത്.
കടന്നുകളയാനായി ശ്രമിക്കുന്നതിനിടെ വീണു കാലൊടിഞ്ഞ ഇയാളുടെ പക്കല് നിന്ന് സ്വർണ മോതിരവും കമ്മലും പിടിച്ചെടുത്തു. വ്യാഴാഴ്ച വൈകിട്ട് ആറോടെയാണു സംഭവം നടന്നത്. കടയില് നിന്നു മടങ്ങിയ അമുതയെ പിന്തുടർന്ന ശാന്തകുമാർ, വീട്ടില് അതിക്രമിച്ചു കയറിയാണ് ആക്രമിച്ചത്. മോഷണശ്രമം യുവതി ചെറുത്തതോടെ കത്തി കൊണ്ടു കുത്തി വീഴ്ത്തിയ ശേഷം പെട്രോള് ഒഴിച്ചു കത്തിക്കുകയായിരുന്നു.
tRootC1469263">വീട്ടില് നിന്നു പുക ഉയരുന്നതു കണ്ട പ്രദേശവാസികളാണ് അമുതയുടെ മൃതദേഹം കണ്ടെത്തിയത്. സംസ്കാരം നടത്തി. മോഷണം മാത്രമാണോ കൊലയ്ക്കു പിന്നിലെ കാരണമെന്നും മറ്റാരുടെയെങ്കിലും സഹായം ലഭിച്ചിട്ടുണ്ടോ എന്നും അന്വേഷിച്ചു വരുന്നു.