.jpg)
ഹരിദ്വാറിലെ മന്സാദേവി ക്ഷേത്രത്തില് ഉണ്ടായ തിക്കിലും തിരക്കിലും മരിച്ചവരുടെ എണ്ണം എട്ടായി
അപകടത്തില് മരിച്ചവരുടെ കുടുംബാംഗങ്ങള്ക്ക് രണ്ട് ലക്ഷം രൂപ ധനസഹായം നല്കുമെന്ന് സര്ക്കാര് പ്രഖ്യാപിച്ചിട്ടുണ്ട്.
ഹരിദ്വാറിലെ മന്സാദേവി ക്ഷേത്രത്തില് ഉണ്ടായ തിക്കിലും തിരക്കിലും മരണ സംഖ്യ എട്ടായി. 35ല് അധികം പേര്ക്ക് പരിക്കേറ്റതായാണ് റിപ്പോര്ട്ട്. അപകടത്തെക്കുറിച്ച് ഉത്തരാഖണ്ഡ് സര്ക്കാര് മജിസ്റ്റീരിയല് അന്വേഷണം പ്രഖ്യാപിച്ചു. അപകടത്തില് മരിച്ചവരുടെ കുടുംബാംഗങ്ങള്ക്ക് രണ്ട് ലക്ഷം രൂപ ധനസഹായം നല്കുമെന്ന് സര്ക്കാര് പ്രഖ്യാപിച്ചിട്ടുണ്ട്.
tRootC1469263">ക്ഷേത്രത്തിലേക്കുള്ള വഴിയില് ഞായറാഴ്ച രാവിലെയാണ് തിക്കും തിരക്കുമുണ്ടായത്. ഒരാള്ക്ക് വൈദ്യുതാഘാതം ഏറ്റെന്ന അഭ്യൂഹം ജനങ്ങള്ക്കിടയില് പരിഭ്രാന്തി സൃഷ്ടിച്ചതോടെയാണ് തിക്കും തിരക്കുമുണ്ടായത്. ഏത് വഴി പുറത്തിറങ്ങണമെന്ന് അറിയാതെ കുഴങ്ങിയതോടെ പലരും തിരക്കിനിടയില് താഴെ വീണ് പോവുകയായിരുന്നു. മരിച്ചവരില് 12 വയസ് പ്രായമുള്ള ബാലനും പരിക്കേറ്റവരില് 4 വയസുള്ള ബാലികയും ഉള്പ്പെടുന്നുണ്ട്. പരിക്കേറ്റവരില് അഞ്ച് പേരുടെ നില ഗുരുതരമാണ്. ചെറിയ പടവുകളില് വീണു പോയ ആളുകളെ രക്ഷപ്പെടാനുള്ള പരിശ്രമത്തിനിടെ മറ്റുള്ളവര് ചവിട്ടി മെതിക്കുകയായിരുന്നു.
