.jpg)
രാജ്യത്ത് സിഗരറ്റ് വില കുതിക്കുന്നു; ITC ബ്രാന്ഡുകള്ക്ക് വീണ്ടും വിലവര്ധന
പുതുക്കിയ വില രേഖപ്പെടുത്തിയ സ്റ്റോക്കുകള് ഇതിനകം വിപണിയില് എത്തിത്തുടങ്ങിയിട്ടുണ്ട്.
ന്യൂഡല്ഹി: രാജ്യത്ത് സിഗരറ്റ് വില കുതിക്കുന്നു . ഐടിസിയുടെ പ്രമുഖ ബ്രാന്ഡുകള്ക്ക് വീണ്ടും വില വര്ധനവെന്നാണ് വിവരം. ക്ലാസിക് കണക്ട് 20 സിഗററ്റുള്ള പാക്കറ്റിന് 38 രൂപയാണ് വര്ധിച്ചത്.പുതുക്കിയ വില രേഖപ്പെടുത്തിയ സ്റ്റോക്കുകള് ഇതിനകം വിപണിയില് എത്തിത്തുടങ്ങിയിട്ടുണ്ട്.
ഇതോടെ ക്ലാസിക് കണക്ടിന്റെ വില 390 രൂപയില് നിന്ന് 428 രൂപ ആയി ഉയര്ന്നിട്ടുണ്ട്. ഗോള്ഡ് ഫ്ളേക്ക് സൂപ്പര് സ്റ്റാര് 10 സിഗററ്റുള്ള പാക്കറ്റിന് 10 രൂപ വര്ധിച്ചിട്ടുണ്ട്. ഇതോടെ ഗോള്ഡ് ഫ്ലേക്ക്സിന് 79 രൂപയില് നിന്ന് 89 ആയി വില ഉയര്ന്നു.
തിരഞ്ഞെടുത്ത സിഗരറ്റ് ബ്രാന്ഡുകളുടെ പരമാവധി ചില്ലറ വില്പ്പന വിലയാണ് ഐടിസി വര്ദ്ധിപ്പിച്ചതെന്നാണ് ഡീലര്മാരില് നിന്നുള്ള വിവരം. പുപുകയില നികുതിയിലുണ്ടായ മാറ്റങ്ങളെത്തുടര്ന്ന് സിഗരറ്റ് നിര്മ്മാതാക്കള് വില ക്രമീകരിക്കുന്നതിന്റെ ഭാഗമായി, ഈ വര്ഷം ഐടിസി പലതവണ വില വര്ദ്ധിപ്പിച്ചതിന് പിന്നാലെയാണ് പുതിയ വര്ദ്ധനവും ഉണ്ടായിരിക്കുന്നത്.
