.jpg)
സിബിഎസ്ഇ പത്താംക്ലാസ് രണ്ടാംഘട്ട പരീക്ഷകളുടെ തീയതി പ്രഖ്യാപിച്ചു; മെയ് 15 മുതല് 21 വരെ
Apr 23, 2026, 13:43 IST
ന്യൂഡല്ഹി: സിബിഎസ്ഇ പത്താംക്ലാസ് രണ്ടാംഘട്ട പരീക്ഷകളുടെ തീയതി പ്രഖ്യാപിച്ചു. പരീക്ഷകള് 2026 മെയ് 15 വെള്ളിയാഴ്ച ആരംഭിച്ച് മെയ് 21 വ്യാഴാഴ്ച അവസാനിക്കും. രണ്ടാം റൗണ്ട് ബോര്ഡ് എക്സാം തീയതികളാണ് സെന്ട്രല് ബോര്ഡ് ഓഫ് സെക്കന്ഡറി എജ്യുക്കേഷന് പുറത്തിറക്കിയത്.
പത്താം ക്ലാസ് പരീക്ഷകള് ഗണിത പരീക്ഷയോടെ ആരംഭിച്ച് സോഷ്യല് സയന്സ് പരീക്ഷയോടെ അവസാനിക്കും. പരീക്ഷകള് സാധാരണയായി രാവിലെ 10:30 മുതല് ഉച്ചയ്ക്ക് 1:30 വരെ ഒരൊറ്റ ഷിഫ്റ്റിലായിരിക്കും നടക്കുക. പരീക്ഷാ സമ്മര്ദ്ദം കുറയ്ക്കുന്നതിനും വിദ്യാര്ത്ഥികള്ക്ക് അവരുടെ മാര്ക്ക് മെച്ചപ്പെടുത്തുന്നതിനും വേണ്ടിയാണ് ഈ രണ്ടാം പരീക്ഷ നടത്തുന്നത്. രണ്ട് പരീക്ഷകളിലും വെച്ച് ഏറ്റവും മികച്ച സ്കോര് ഏതാണോ അത് അന്തിമ ഫലത്തിനായി പരിഗണിക്കും.
