.jpg)
മദ്യപിക്കുന്നതിനിടെ തര്ക്കം; ദക്ഷിണ കൊറിയക്കാരനായ പങ്കാളിയെ കുത്തിക്കൊലപ്പെടുത്തി മണിപ്പുര് സ്വദേശിനി
Jan 5, 2026, 08:37 IST
ലോജിസ്റ്റിക് കമ്പനിയില് മാനേജരായ യൂ ഡക്ക് ഹീ ആണ് കൊല്ലപ്പെട്ടത്.
ഡല്ഹി ഗ്രേറ്റര് നോയിഡയില് കൊറിയന് യുവാവിനെ കുത്തിക്കൊലപ്പെടുത്തി. മണിപ്പൂര് സ്വദേശിയായ യുവതിയാണ് ആക്രമണം നടത്തിയത്. വാക്കുതര്ക്കത്തിനിടെയാണ് സംഭവം ഉണ്ടായത്.
ലോജിസ്റ്റിക് കമ്പനിയില് മാനേജരായ യൂ ഡക്ക് ഹീ ആണ് കൊല്ലപ്പെട്ടത്. കഴിഞ്ഞ 10 വര്ഷമായി ഇയാള് ഇന്ത്യയില് താമസിച്ചുവരികയായിരുന്നു. ഇരുവരും അടുത്ത സുഹൃത്തുക്കളായിരുന്നുവെന്നാണ് വിവരം. ഗ്രേറ്റര് നോയിഡയിലെ അപ്പാര്ട്ട്മെന്റിലാണ് ഇരുവരും താമസിച്ചിരുന്നത്.
സംഭവത്തിന് പിന്നാലെ പ്രതിയായ മണിപ്പൂര് സ്വദേശിനിയെ പൊലീസ് കസ്റ്റഡയിലെടുത്തു. മദ്യപിച്ച ശേഷം ഡക്ക് ഹീ യുഹ് ഇടയ്ക്കിടെ തന്നെ ആക്രമിക്കാറുണ്ടെന്നും നിരാശ മൂലമാണ് താന് ഇങ്ങനെ പെരുമാറിയതെന്നും യുവതി ചോദ്യം ചെയ്യലില് അന്വേഷണ ഉദ്യോഗസ്ഥരോട് പറഞ്ഞു.