.jpg)
ഡിഎംകെയെ അധികാരത്തില്‍ നിന്ന് പുറത്താക്കും വരെ ചെരിപ്പണിയില്ലെന്ന ശപഥം പിന്‍വലിച്ച് അണ്ണാമലൈ
Apr 13, 2025, 07:37 IST
ബിജെപിയുടെ പുതിയ സംസ്ഥാന അധ്യക്ഷനായി ചുമതലയേറ്റ നൈനാര്‍ നാഗേന്ദ്രന്റെ അഭ്യര്‍ത്ഥനയെ തുടര്‍ന്നാണ് തന്റെ ശപഥത്തില്‍ നിന്ന് പിന്മാറിയതെന്ന് അണ്ണാമലൈ പറഞ്ഞു.
ഡിഎംകെയെ അധികാരത്തില്‍ നിന്ന് പുറത്താക്കും വരെ ചെരിപ്പണിയില്ലെന്ന ശപഥം പിന്‍വലിച്ച് തമിഴ്‌നാട് ബിജെപി മുന്‍ അധ്യക്ഷന്‍ കെ അണ്ണാമലൈ. ബിജെപിയുടെ പുതിയ സംസ്ഥാന അധ്യക്ഷനായി ചുമതലയേറ്റ നൈനാര്‍ നാഗേന്ദ്രന്റെ അഭ്യര്‍ത്ഥനയെ തുടര്‍ന്നാണ് തന്റെ ശപഥത്തില്‍ നിന്ന് പിന്മാറിയതെന്ന് അണ്ണാമലൈ പറഞ്ഞു.
നൈനാര്‍ ചുമതലയേറ്റ ചടങ്ങു നടന്ന വേദിയില്‍ വെച്ച് അണ്ണാമലൈ തന്റെ പുതിയ ചെരിപ്പ് ധരിച്ചു. 2024 ഡിസംബറിലാണ് ഡിഎംകെയെ ഭരണത്തില്‍ നിന്ന് താഴെ ഇറക്കിയ ശേഷം മാത്രമേ താനിനി ചെരുപ്പിടുകയുള്ളൂവെന്ന് വാര്‍ത്താ സമ്മേളനത്തില്‍ അദ്ദേഹം പ്രഖ്യാപിച്ചത്. വാര്‍ത്താ സമ്മേളനത്തിനിടയില്‍ തന്നെ അണ്ണാമലൈ, ചെരുപ്പ് ഊരിമാറ്റുകയും ചെയ്തിരുന്നു.
