.jpg)
'108 എംഎല്എമാരും രാജിവയ്ക്കും'; മുന്നറിയിപ്പുമായി വിജയ്യുടെ ടിവികെ
തമിഴ്നാട് നിയമസഭയില് സർക്കാർ രൂപീകരിക്കുന്നതിന് ആവശ്യമായ ഭൂരിപക്ഷ പിന്തുണ സ്ഥാപിക്കപ്പെട്ടിട്ടില്ലെന്നാണ് ഗവർണറുടെ വിശദീകരണം
തമിഴ്നാട്ടില് ജനങ്ങളുടെ വോട്ട് നേടിയ പാർട്ടിയെ ഒഴിവാക്കി സംസ്ഥാനത്ത് സർക്കാർ രൂപീകരിക്കാൻ ഡിഎംകെയും എഐഎഡിഎംകെയും ശ്രമിച്ചാല് പാർട്ടിയിലെ എല്ലാ എംഎല്എമാരും രാജിവയ്ക്കുമെന്ന് നടൻ വിജയ്യുടെ തമിഴക വെട്രി കഴകം മുന്നറിയിപ്പ് നല്കിയതായി റിപ്പോർട്ട്.
ദ്രാവിഡ പാർട്ടികള് സർക്കാർ രൂപീകരിക്കാൻ ശ്രമിക്കുമെന്ന വാർത്തകള്ക്ക് പിന്നാലെയാണിത്. 1 08 സീറ്റുകള് നേടിയ ടിവികെ, ഏറ്റവും വലിയ ഒറ്റകക്ഷിയായതിനാല് സർക്കാർ രൂപീകരിക്കാൻ ഗവർണർ ക്ഷണിക്കണമെന്നും ടിവികെ വാദിച്ചു.
എന്നാല്, ഗവർണർ ആർ വി ആർലേക്കർ വിജയ്ക്ക് സർക്കാർ രൂപീകരിക്കാനുള്ള അനുമതി നിഷേധിച്ചു. ഭൂരിപക്ഷം തികയില്ലെന്ന് ചൂണ്ടിക്കാട്ടിയായിരുന്നു തീരുമാനം. ഭൂരിപക്ഷം കൈവരിക്കുന്നതിനായി വിജയ് അവതരിപ്പിച്ച പദ്ധതിയും അദ്ദേഹം അംഗീകരിച്ചില്ല. തമിഴ്നാട് നിയമസഭയില് സർക്കാർ രൂപീകരിക്കുന്നതിന് ആവശ്യമായ ഭൂരിപക്ഷ പിന്തുണ സ്ഥാപിക്കപ്പെട്ടിട്ടില്ലെന്നാണ് ഗവർണറുടെ വിശദീകരണം.
ഭൂരിപക്ഷം നേടാൻ ടിവികെയ്ക്ക് ഇനി പത്ത് സീറ്റുകള് കൂടി ആവശ്യമുണ്ട്. ഇടതുപക്ഷവുമായും ചില ചെറിയ പാർട്ടികളുമായും ചർച്ചകള് നടക്കുന്നുണ്ട്. അതോടൊപ്പം പാർട്ടി കോടതിയെ സമീപിക്കാൻ പദ്ധതിയിടുന്നതായും റിപ്പോർട്ടുണ്ട്.