.jpg)
പ്രധാനമന്ത്രി മോദി ഉദ്ഘാടനം ചെയ്ത് മടങ്ങിയതിന് പിന്നാലെ അലങ്കാരത്തിനായി സജ്ജീകരിച്ച ചെടികള് മോഷ്ടിച്ച് ജനം ; നാണക്കേടായി ദൃശ്യങ്ങള്
ഉദ്ഘാടനത്തിനോട് അനുബന്ധിച്ച് വലിയ തോതിലുള്ള സൗന്ദര്യവത്കരണം പ്രദേശത്ത് അധികൃതര് ഒരുക്കിയിരുന്നു.
പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത് മടങ്ങിയതിന് പിന്നാലെ അലങ്കാരത്തിനായി സജ്ജീകരിച്ച ചെടികള് മോഷ്ടിച്ച് ജനം. ഉത്തര്പ്രദേശിലെ ലഖ്നൗ നഗരത്തില് നിന്നുള്ള ദൃശ്യങ്ങളാണ് ഇപ്പോള് സമൂഹമാധ്യമങ്ങളിലും മറ്റും വലിയ തോതില് ചര്ച്ചയാകുന്നത്.
മുന് പ്രധാനമന്ത്രി അടല് ബിഹാരി വാജ്പേയിയുടെ 101-ാം ജന്മവാര്ഷികത്തോടനുബന്ധിച്ച് 'രാഷ്ട്ര പ്രേരണാ സ്ഥല്' ഉദ്ഘാടനം ചെയ്യാനായി കഴിഞ്ഞ ദിവസമായിരുന്നു പ്രധാനമന്ത്രി ലഖ്നൗല് എത്തിയത്.
tRootC1469263">
ഉദ്ഘാടനത്തിനോട് അനുബന്ധിച്ച് വലിയ തോതിലുള്ള സൗന്ദര്യവത്കരണം പ്രദേശത്ത് അധികൃതര് ഒരുക്കിയിരുന്നു. എന്നാല് പരിപാടി അവസാനിച്ചയുടനെ, വേദിക്ക് ചുറ്റുംവെച്ചിരുന്ന ആയിരക്കണക്കിന് പൂച്ചട്ടികളും പുഷ്പങ്ങളും ആളുകള് എടുത്തു കൊണ്ടുപോകുന്നതാണ് പുറത്ത് വന്ന ദൃശ്യങ്ങളിലുള്ളത്. ഏകദേശം 4000ത്തിലധികം ചെടിച്ചട്ടികള് മോഷണം പോയെന്നാണ് ലഖ്നൗ വികസന അതോറിറ്റിയുടെ കണക്ക്.
ചിലര് കയ്യില് എടുക്കാവുന്ന ചെടിച്ചട്ടികള് എടുത്തുകൊണ്ട് പോയപ്പോള് മറ്റുചിലര് ഇരുചക്ര വാഹനങ്ങളിലും കാറുകളിലുമൊക്കെയായി ചെടിച്ചട്ടികള് കടത്തിക്കൊണ്ട് പോകുകയായിരുന്നു.
