മൊബൈൽ ഫോൺ മോഷ്ടിച്ചെന്നാരോപിച്ച് പത്ത് വയസുകാരിക്ക് ക്രൂരമർദ്ദനം

തെലങ്കാന: ആന്ധ്രാപ്രദേശിലെ നെല്ലൂരിൽ അയൽവാസിയുടെ മൊബൈൽ ഫോൺ മോഷ്ടിച്ചെന്നാരോപിച്ച് പത്ത് വയസുകാരിക്ക് ക്രൂരമർദ്ദനം. ചെഞ്ചമ്മ എന്ന കുട്ടിയെയാണ് പഴുപ്പിച്ച ഇരുമ്പ് കമ്പി കൊണ്ട് അയൽവാസി ക്രൂരമായി മർദ്ദിച്ചത്. പെൺകുട്ടിയുടെ അമ്മ പുനർവിവാഹം ചെയ്തിരുന്നു.

 അതിനാൽ കുട്ടി സന്നാരി മാണിക്യം എന്ന ബന്ധുവിനൊപ്പമായിരുന്നു കഴിഞ്ഞിരുന്നത്. ഇവരുടെ തൊട്ടടുത്തുള്ള വീട്ടിൽ നിന്ന് കഴിഞ്ഞ ദിവസം ഒരു മൊബൈൽ ഫോൺ കാണാതെ പോവുകയും ഇത് ചെഞ്ചമ്മ എടുത്തതാണെന്ന് അയൽവാസി ആരോപിക്കുകയുമായിരുന്നു.