മുഖക്കുരു തടയാൻ വീട്ടിലുള്ള പ്രകൃതിദത്ത ചേരുവകൾ ഉപയോഗിക്കാം

 മുഖക്കുരു ആണ് പലരെയും അലട്ടുന്ന ഒരു ചര്‍മ്മ പ്രശ്നം. സാധാരണഗതിയില്‍ കൗമാരപ്രായത്തിലാണ് മുഖക്കുരു കൂടുതലായി കാണപ്പെടുന്നത്. പ്രത്യേകിച്ച് വേനല്‍ക്കാലത്ത് മുഖക്കുരു വരാനുള്ള സാധ്യത ഏറെയാണ്. വേനൽക്കാലത്തെ വിയർപ്പും അധികമായി സെബം ഉൽപാദനവുമാണ് ഇത്തരത്തില്‍ മുഖക്കുരുവിനുള്ള സാധ്യത വര്‍ധിപ്പിക്കുന്നത്.

വേനൽക്കാലത്ത് മുഖക്കുരു തടയാൻ വീട്ടിലുള്ള പ്രകൃതിദത്ത ചേരുവകൾ തന്നെ ധാരാളമാണ്. അത്തരത്തില്‍ ചിലത് പരിചയപ്പെടാം...

ഒന്ന്...മുഖക്കുരുവിനെ ചെറുക്കാൻ സഹായിക്കുന്ന ആന്‍റി ബാക്ടീരിയൽ ഗുണങ്ങൾ തേനിനുണ്ട്. അതിനാല്‍ മുഖക്കുരുവുള്ള ഭാഗങ്ങളില്‍ ചെറിയ അളവിൽ തേൻ പുരട്ടി 15-20 മിനിറ്റിന് ശേഷം കഴുകി കളയാം.

രണ്ട്  ...മുഖക്കുരുവുള്ള ഭാഗങ്ങളില്‍  ഐസ് പുരട്ടുന്നത് വീക്കവും ചുവപ്പും കുറയ്ക്കും. ഇതിനായി വൃത്തിയുള്ള ഒരു തുണിയിൽ കുറച്ച് ഐസ് ക്യൂബുകൾ പൊതിഞ്ഞ് മുഖക്കുരുവുള്ള ഭാഗത്ത് 5 മിനിറ്റ് നേരം വയ്ക്കാം.

മൂന്ന് .... നാരങ്ങാനീരിൽ സിട്രിക് ആസിഡ് അടങ്ങിയിട്ടുണ്ട്. ഇത് മുഖക്കുരു ഉണങ്ങാൻ സഹായിക്കും. ഇതിനായി ഒരു കോട്ടൺ ബോൾ നാരങ്ങാനീരില്‍ മുക്കി മുഖക്കുരുവുള്ള ഭാഗത്ത് വയ്ക്കാം.  10-15 മിനിറ്റിന് ശേഷം കഴുകി കളയാം.

നാല്....ഒരു ടീസ്പൂൺ കറുവാപ്പട്ട പൊടി രണ്ട് ടീസ്പൂൺ തേനിൽ കലർത്തുക. ശേഷം ഈ മിശ്രിതം മുഖക്കുരുവിന്മേൽ  പുരട്ടി 10-15 മിനിറ്റ് നേരം വയ്ക്കുക. ശേഷം കഴുകി കളയാം.