​ബോഡി വര്‍ക്കൗട്ടിന് ശേഷം കുളിക്കാറുണ്ടോ?​ എങ്കിൽ നിങ്ങൾ ഈ കാര്യം അറിഞ്ഞിരിക്കണം

body builder


ചിലര്‍ തടി വെക്കാന്‍ ജിമ്മില്‍ പോകും. ചിലര്‍ വയറും തടിയും കുറയ്ക്കാനായിരിക്കും ജിമ്മില്‍ പോകുന്നത്. ജിമ്മില്‍ പോകുന്നതിന്റെ ഉദ്ദേശമല്ല ഇവിടെ പ്രധാനം. ജിമ്മില്‍ പോയി കഴിഞ്ഞ് വന്നാല്‍ നിങ്ങള്‍ കുളിക്കാറുണ്ടോ എന്നതാണ് ചോദ്യം? ചലര്‍ കുളിക്കും. എന്നാല്‍ ചിലര്‍ക്ക് വന്നപാടെ കുളിക്കാന്‍ നല്ല മടിയായിരിക്കും.

ജിമ്മില്‍ പോയി നന്നായി പണി എടുത്തതിനാല്‍ ദേഹവേദനയാണ് കുറച്ച് നേരം കിടക്കട്ടെ എന്നും പറഞ്ഞ് ഉറങ്ങുന്നവരും കുറവല്ല. പക്ഷേ, ജിമ്മില്‍ പോയി വന്ന ഉടനെ കുളിച്ചാല്‍ നിരവധി ഗുണങ്ങള്‍ ഉണ്ട്. പ്രത്യേകിച്ച് ശരീരവേദനയ്ക്ക് വരെ ഇത് നല്ലതാണ്. എന്തെല്ലാം ഗുണങ്ങളാണ് കുളിച്ചാല്‍ കിട്ടുന്നത് എന്ന് നോക്കാം.

നല്ല ഫുള്‍ബോഡി വര്‍ക്കൗട്ടെല്ലാം കഴിഞ്ഞ് വീട്ടില്‍ എത്തിയാല്‍ നല്ല തണുത്ത വെള്ളത്തില്‍ അല്ലെങ്കില്‍ ഇളം ചൂട് വെള്ളത്തില്‍ നന്നായി ഒന്ന് കുളിച്ച് നോക്കൂ. ബോഡി വേഗത്തില്‍ റിക്കവറായി കിട്ടാന്‍ ഈ കുളി നിങ്ങളെ സഹായിക്കും.

ജിമ്മില്‍ പോയാല്‍, അല്ലെങ്കില്‍ വീട്ടില്‍ ഇരുന്ന് വ്യായാമം ചെയ്യുന്നവരാണെങ്കിലും നമ്മള്‍ വ്യായാമം ചെയ്യുമ്പോള്‍ പേശികളില്‍ മാറ്റങ്ങള്‍ സംഭവിക്കുകയും, ഇത് പശികളില്‍ വേദന ഉണ്ടാക്കുകയും ചെയ്യാറുണ്ട്. ഇത്തരം പ്രശ്‌നങ്ങള്‍ മാറ്റാനും പേശികളെ ശാന്തമാക്കാനും വര്‍ക്കൗട്ടിന് ശേഷമുള്ള കുളി സഹായിക്കുന്നതാണ്.

കുളിക്കുക എന്നത് വൃത്തിയുടെ ഒരു ഭാഗം തന്നെയാണ്. പ്രത്യേകിച്ച് വ്യായാമം ചെയ്ത് കഴിയുമ്പോള്‍ നമ്മള്‍ നന്നായി വിയര്‍ക്കും. ശരീരത്തില്‍ നിന്നും വിയര്‍പ്പ് നീക്കം ചെയ്യാനും മറ്റ് ചര്‍മ്മ പ്രശ്‌നങ്ങള്‍ വരാതിരിക്കാനും ഇത്തരം കുളി നല്ലതാണ്. അതുപോലെ തന്നെ നമ്മളുടെ ശരീരം വര്‍ക്കൗട്ട് ചെയ്യുമ്പോള്‍ അമിതമായി ചൂടാകുന്നു. ഇത് നോര്‍മല്‍ ആക്കാനും കുളിക്കുന്നത് നല്ലതാണ്.

മാനസികമായി തന്നെ ഒരു റിലാക്‌സേഷന്‍ ലഭിക്കാന്‍ കുളിക്കുന്നത് സഹായിക്കുന്നു. അതുപോലെ തന്നെ, നല്ല ഉറക്കം ലഭിക്കാനും ഇത് സഹായിക്കുന്നുണ്ട്. മാത്രവുമല്ല, ജിമ്മില്‍ നിരവധി ആളുകളാണ് വ്യായാമം ചെയ്യാന്‍ എത്തുന്നത്. അതിനാല്‍ തന്നെ അണുക്കള്‍ നന്നായി ഉണ്ടായിരിക്കും. ഇത് നമ്മളുടെ ശരീരത്തില്‍ നിന്നും അകറ്റാനും കുളിക്കുന്നത് സഹായിക്കുന്നുണ്ട്.
​ഐസ്ബാത്ത്​

പൊതുവില്‍ വ്യായാമത്തിന് ശേഷം ഐസ് ബാത്ത് എടുക്കുന്നത് നല്ലതാണ് എന്നാണ് പറയുന്നത്. ഇത് വ്യായാമം ചെയ്ത് കഴിയുമ്പോള്‍ ഉണ്ടാകുന്ന വേദന കുറയ്ക്കാന്‍ സഹായിക്കുന്നുണ്ട്. അഥുപോലെ തന്നെ, ശരീരത്തിലെ വീക്കം കുറയ്ക്കാനും രക്തോട്ടം നോമല്‍ അക്കാനും സഹായിക്കുന്നു. ഇത്തരത്തില്‍ ചെയ്യുന്നതിനാല്‍ തന്നെ വേദനയുടെ ആഴവും പതിയെ കുറയുന്നു.

ചിലര്‍ക്ക് വ്യായാമം ചെയ്യുമ്പോള്‍ പല പരിക്കും ഉണ്ടാകുന്നത് കാണാം. അതുപോലെ, ചിലര്‍ക്ക് കയ്യും കാലും അനക്കാന്‍ പോലും പറ്റാറില്ല. ഇത്തരത്തില്‍ ഉണ്ടാകുന്ന പ്രശ്‌നങ്ങള്‍ അകറ്റാന്‍ ഐസ് ബാത്ത് നല്ലതാണ്. അതുപോലെ തന്നെ, പരിക്കുകള്‍ വേഗത്തില്‍ മാറി കിട്ടാനും ഐസ് ബാത്ത് സഹായിക്കുന്നു. പക്ഷേ, നമ്മളുടെ നാട്ടില്‍ ഐസ് ബാത്ത് അത്ര പ്രചാരത്തില്‍ ഇല്ല എന്നത് മറ്റൊരു സത്യാവസ്ഥ. അതുപോലെ, ഐസ് ബാത്ത് എടുക്കുന്നതിന് മുന്‍പ് ശ്രദ്ധിക്കേണ്ട ചില കാര്യങ്ങളും ഉണ്ട്. ഇതിനായി നിങ്ങളുടെ ഡോക്ടറുടെ അഭിപ്രായം തേടുന്നത് നല്ലതാണ്.

വ്യായമത്തിന് ശേഷം ചൂടുവെള്ളത്തില്‍ കുളിച്ചാല്‍ അതിനനുസരിച്ചുള്ള ഗുണവും ദോഷവും ഉണ്ട്. ചൂടുവെള്ളം പേശികളിലേയും സന്ധികളിലേയും വേദന കുറയ്ക്കും. അതുപോലെ തന്നെ രക്തോട്ടം സാധാരണഗതിയില്‍ ആക്കാന്‍ ഇത് സഹായിക്കുന്നുണ്ട്. കൂടാതെ, ഇത് പേശികള്‍ക്ക് ആവശ്യമായ ഓക്‌സിജന്‍ എത്തിക്കുന്നതിനും സഹായിക്കുന്നു. ഇവ കൂടാതെ രക്തസമ്മര്‍ദ്ദം കുറയ്ക്കാനും ചൂടുവെള്ളത്തില്‍ കുളിക്കുന്നതിലൂടെ സഹായിക്കും.

ഗുണം എന്നത് പോലെ തന്നെ ദോഷവശങ്ങളും ഇതിന് ഉണ്ട്. അഥായത്, നിങഅങള്‍ വ്യായാമം ചെയ്തതിന് ശേഷം ശരീരത്തില്‍ ഉണ്ടാകുന്ന വീക്കം കുറയ്ക്കാന്‍ ചൂടുവെള്ളം നല്ലതല്ല. ഇത് വീക്കം വര്‍ദ്ധിപ്പിക്കുകയാണ് ചെയ്യുന്നത്. കൂടാതെ, ശരീരം നല്ലപോലെ ഡീഹൈഡ്രേറ്റ് ആക്കി എടുക്കുകയും ചിലപ്പോള്‍ ഹൃദ്രോഗമുള്ളവര്‍ക്ക് പല ബുദ്ധിമുട്ടുകള്‍ ഉണ്ടാക്കാനും ചൂടുവെള്ളത്തിലെ കുളി കാരണമാകാം. അതിനാല്‍, ചൂടുവെള്ളത്തില്‍ കുളിക്കാന്‍ തിരഞ്ഞെടുക്കും മുന്‍പ് നിങ്ങളുടെ ഡോക്ടറുടെ നിര്‍ദ്ദേശം തേടേണ്ടത് അനിവാര്യമാണ്.
 

Tags