പകർച്ചപ്പനി വന്നാൽ ശ്രദ്ധിക്കേണ്ടത് എന്തൊക്കെ?...

ഒന്ന്...

ഏത് തരം പനിയാണ് നിങ്ങളെ ബാധിച്ചിരിക്കുന്നതെന്ന് മനസിലാക്കുകയാണ് ആദ്യം ചെയ്യേണ്ടത്.

രണ്ട്...

സ്വയം ചികിത്സ പാടില്ല എന്നതാണ് പ്രധാനപ്പെട്ട മറ്റൊരു കാര്യം. പനിയോടൊപ്പം ശക്തമായ തലവേദന, ദേഹവേദന, അമിതമായ ക്ഷീണം എന്നിവ അനുഭവപ്പെടുന്നുണ്ടെങ്കിൽ ഉടൻ തന്നെ ഡ‍ോക്ടറെ കണ്ട് പരിശോധന നടത്തുക. കാരണം ഡെങ്കിപ്പനി, എലിപ്പനി എന്നിവയിൽ രോഗനിർണയവും ചികിത്സയും വൈകിയാൽ രോഗം സങ്കീർണമാവാം.

മൂന്ന്...

പ്രമേഹബാധിതർ, ഹൃദ്രോഗ പ്രശ്നമുള്ളവർ, പ്രായമായവർ, കുട്ടികൾ, രോഗപ്രതിരോധശക്തി കുറഞ്ഞവർ എന്നിവരിൽ പകർച്ചപ്പനികൾ പ്രശ്നങ്ങൾ ഉണ്ടാക്കാം.

നാല്...

പനിയുണ്ടെങ്കിൽ കുട്ടികളെ സ്കൂളിൽ‌ വിടരുത്. പനിയും ക്ഷീണവും നന്നായി മാറിയിട്ട് സ്കൂളിൽ വിടുക.

അഞ്ച്...

പനിയുള്ളപ്പോൾ അമിത ഭക്ഷണം കഴിക്കരുത്. ദഹിക്കാൻ എളുപ്പമുള്ള ലഘു ഭക്ഷണങ്ങൾ കഴിക്കുക. മത്സ്യം, മാംസം, മുട്ട എന്നിവ ഒഴിവാക്കി പഴവർഗങ്ങളും പച്ചക്കറികളും ഉൾപ്പെടുത്തുക.

ആറ്...

കുട്ടികളിൽ പനി വരുമ്പോൾ നനഞ്ഞ തുണികൊണ്ട് ശരീരം തുടയ്ക്കുന്നത് ചൂട് കൂടാതിരിക്കാൻ സഹായിക്കും. കുട്ടികളിൽ പനിയുണ്ടാവുമ്പോൾ നനഞ്ഞ പഞ്ഞികൊണ്ട് നെറ്റിയും മറ്റും തുടയ്ക്കുന്നത് ശരീരത്തിൻറെ താപനില പെട്ടെന്ന് കുറയ്ക്കാൻ സഹായിക്കും.∙

ഏഴ്...

തുമ്മുമ്പോഴോ ചുമയ്ക്കുമ്പോ തൂവാല ഉപയോ​ഗിക്കുക. സാധിക്കുമെങ്കിൽ  മാസ്ക് ഉപയോ​ഗിക്കുന്നതും രോ​ഗം പകരാതിരിക്കാൻ സഹായിക്കും.