കാലിലെ നീര് നിസ്സാരക്കാരനല്ല; തീർച്ചയായും അറിഞ്ഞിരിക്കേണ്ട ഇത്തിരിക്കാര്യങ്ങൾ

കാലിൽ നീരു വന്നാലുടൻ ചൂടു വയ്ക്കുകയോ ഐസ് വയ്ക്കുകയോ ആണ് പലരും ചെയ്യുന്നത്. എന്നാൽ എന്തുകൊണ്ടാണ് നീരുവന്നത് എന്നറിയാതെ ചൂടു വയ്ക്കേണ്ടിടത്ത് തണുപ്പും തിരിച്ചും ചെയ്താൽ അത് പ്രശ്നം ഗുരുതരമാക്കും.

നീര് ഒരു രോഗമല്ല. രോഗത്തിൻ്റെ ലക്ഷണമാണ്. വീഴ്ചയിൽ സംഭവിക്കുന്ന ലിഗ് മെൻറ് ടിയർ, എല്ലിനുണ്ടാകുന്ന പൊട്ടൽ എന്നിവയൊക്കെ നീരു വരാൻ കാരണമാകാം.ഹൃദയം, കരൾ, വൃക്കകൾ തുടങ്ങി പല ആന്തരികാവയവങ്ങളുടെയും പ്രവർത്തനം കൃത്യമല്ലെങ്കിലും നീര് വരും. ഒരു കാലിൽ മാത്രം നീര് വരുന്നതിലും കൂടുതൽ ശ്രദ്ധ വേണം രണ്ടു കാലുകൾക്കും നീരുവന്നാൽ.