ചർമ്മത്തിൽ ഈ ലക്ഷണങ്ങൾ‌ നിസാരമായി കാണരുത് !

രക്തത്തിൽ പഞ്ചസാരയുടെ അളവ് വർധിക്കുന്നതാണ് പ്രമേഹം എന്ന് പറയുന്നത്.ശരീരം ആവശ്യത്തിന് ഇൻസുലിൻ ഉൽപ്പാദിപ്പിക്കാതിരിക്കുമ്പോഴോ അല്ലെങ്കിൽ അത് ഉൽപ്പാദിപ്പിക്കുന്ന ഇൻസുലിൻ ഫലപ്രദമായി ഉപയോഗിക്കാനാകാതെ വരുമ്പോഴോ ഇത് സംഭവിക്കുന്നു. രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്ന പാൻക്രിയാസ് ഉത്പാദിപ്പിക്കുന്ന ഹോർമോണാണ് ഇൻസുലിൻ, ആവശ്യത്തിന് ഇൻസുലിൻ അല്ലെങ്കിൽ ഇൻസുലിൻ ശരിയായി ഉപയോഗിക്കാതെ, രക്തത്തിലെ പഞ്ചസാരയുടെ അളവ് അപകടകരമായ നിലയിലേക്ക് ഉയരാം.

രക്തപ്രവാഹത്തിലെ ഉയർന്ന രക്തത്തിലെ പഞ്ചസാരയുടെ അളവ് ഹൃദയം, രക്തക്കുഴലുകൾ, കണ്ണുകൾ, വൃക്കകൾ, ഞരമ്പുകൾ എന്നിവയെ തകരാറിലാക്കും. ചിട്ടയായ മരുന്നും ജീവിതശൈലി മാറ്റവും രോഗത്തെ നിയന്ത്രിക്കാനും സങ്കീർണതകൾ നിയന്ത്രിക്കാനും കഴിയും.

പ്രമേഹം ചർമ്മത്തെയും ബാധിക്കുമെന്ന് ആരോ​ഗ്യവിദ​ഗ്ധർ പറയുന്നു. ചർമ്മത്തിലെ മാറ്റങ്ങൾ പ്രമേഹത്തിന്റെ ആദ്യ ലക്ഷണമാകാം. മെറ്റബോളിക് ഡിസോർഡർ ഉള്ളത് നിലവിലുള്ള ചർമ്മപ്രശ്നങ്ങൾ കൂടുതൽ വഷളാക്കുകയും പുതിയ ചർമ്മപ്രശ്നങ്ങളിലേക്ക് നയിക്കുകയും ചെയ്യും.

പ്രമേഹം രക്തക്കുഴലുകൾക്കും ഞരമ്പുകൾക്കും കേടുവരുത്താം. ഇത് ചർമ്മത്തിലേക്കുള്ള രക്തചംക്രമണവും രക്തപ്രവാഹവും കുറയ്ക്കും. രക്തചംക്രമണം കുറയുന്നത് കൊളാജനിൽ മാറ്റങ്ങൾ വരുത്തുകയും ചർമ്മത്തിന്റെ ഘടന, രൂപം, സുഖപ്പെടുത്താനുള്ള കഴിവ് എന്നിവയെ ബാധിക്കുകയും ചെയ്യും. ചൊറിച്ചിൽ, തൊലി കട്ടിയാകൽ, മഞ്ഞയോ തവിട്ടുനിറമോ ആയ പാടുകൾ, കുമിളകൾ പോലെ വന്ന് പൊട്ടുക, ചർമ്മത്തിലെ അണുബാധകൾ എന്നിവയും പ്രമേഹത്തിന്റെ ചില ലക്ഷണങ്ങളാണെന്ന് വി​ദ​ഗ്ധർ പറയുന്നു.

' പ്രമേഹം ഒരു വിട്ടുമാറാത്ത രോഗമാണ്. ലോകത്തിലെ ഏറ്റവും വേഗത്തിൽ വളരുന്ന അസുഖങ്ങളിലൊന്നാണ്. നിലവിലെ സാഹചര്യത്തെ അടിസ്ഥാനമാക്കി, ഏതാനും വർഷങ്ങൾക്കുള്ളിൽ മൂന്നിൽ ഒരാൾക്ക് ടൈപ്പ് 2 പ്രമേഹം ബാധിക്കാം. ഗവേഷകരും വിദഗ്ധരും പ്രമേഹത്തിന് ഇപ്പോഴും ശാശ്വതമായ പ്രതിവിധി തേടുന്നു. രോഗത്തിന്റെ ലക്ഷണങ്ങൾ‌ അറിയാൻ വെെകുന്നത് രോ​ഗം ഗുരുതരമാകുന്നതിന് കാരണമാകും...' - The Esthetic Clinicsലെ  കോസ്മെറ്റിക് ഡെർമറ്റോളജിസ്റ്റ് കൺസൾട്ടന്റ് ഡെർമറ്റോളജിസ്റ്റ് ഡോ. റിങ്കി കപൂർ പറയുന്നു.

' പഞ്ചസാരയുടെ അളവ് ഉയർന്നതാണെങ്കിൽ അണുബാധയ്ക്കുള്ള സാധ്യത കൂടുതലാണ്. നഖങ്ങളിലെ അണുബാധകൾ, ആഴത്തിലുള്ള ചർമ്മ അണുബാധകൾ എന്നിവ ബാധിക്കാം. ഈ അണുബാധകൾ സാധാരണയായി ചുവന്നതും വീർത്തതുമായ രൂപത്തിൽ കാണാപ്പെടാം... ' - ഡോ. റിങ്കി കപൂർ പറയുന്നു.

കൈകൾ, കാലുകൾ, കാൽവിരലുകൾ, വിരലുകളുടെ പിൻഭാഗം എന്നിവിടങ്ങിൽ കാണപ്പെടുന്ന പൊള്ളലേറ്റത് പോലുള്ള പാചടുകളെ ബുള്ളോസിസ് ഡയബെട്രിക്കോറം എന്നറിയപ്പെടുന്നു.  

മേല്‍പ്പറഞ്ഞ ലക്ഷണങ്ങളെല്ലാം പ്രമേഹത്തിന്റെതാകണമെന്നില്ല. അതിനാല്‍ ഈ ലക്ഷണങ്ങള്‍ കാണുന്നപക്ഷം ആശുപത്രിയിലെത്തി വേണ്ട പരിശോധന നടത്തി എന്താണ് പ്രശ്നമെന്ന് സ്ഥിരീകരിക്കുകയാണ് വേണ്ടത്.