മുടി കൊഴിയുന്നുണ്ടോ? ഡയറ്റിൽ ചേർക്കാം ഈ സൂപ്പർ ഫുഡുകൾ

Whatsapp Group

പാലുൽപ്പന്നങ്ങൾ മുടി വളർച്ചയ്ക്ക് മികച്ച ഭക്ഷണമാണ്. പാൽ, തൈര്, മുട്ട എന്നിവയിൽ അവശ്യ പോഷകങ്ങളായ പ്രോട്ടീനുകൾ, വിറ്റാമിൻ ബി 12, ഇരുമ്പ്, സിങ്ക്, ഒമേഗ 6 ഫാറ്റി ആസിഡുകൾ എന്നിവ അടങ്ങിയിട്ടുണ്ട്. മുടികൊഴിച്ചിൽ ചെറുക്കാൻ സഹായിക്കുന്ന ബയോട്ടിന്റെ (വിറ്റാമിൻ ബി 7) മികച്ച ഉറവിടം കൂടിയാണ് പാലുൽപ്പന്നങ്ങൾ.

. ക്യാരറ്റ് കണ്ണുകൾക്ക് മാത്രമല്ല, നിങ്ങളുടെ മുടിയ്ക്കും മികച്ചതാണ്. അവയിൽ വിറ്റാമിൻ എ അടങ്ങിയിട്ടുണ്ട്, ഇത് പ്രകൃതിദത്ത കണ്ടീഷണറായി പ്രവർത്തിക്കുകയും മുടി പൊട്ടുന്നത് തടയുകയും ചെയ്യുന്നു. 

. ഫ്ളാക്സ് സീഡുകളിൽ ഒമേഗ-3 ഫാറ്റി ആസിഡുകൾ അടങ്ങിയിട്ടുണ്ട്, ഇത് തലയോട്ടിയിലെ രോമകൂപങ്ങളിലും കോശ സ്തരങ്ങളിലും എളുപ്പത്തിൽ എത്തുകയും ഫോളിക്കിളുകളെ പോഷിപ്പിക്കുകയും ചെയ്യുന്നു. 

. ബാർലിയിൽ വിറ്റാമിൻ ഇ അടങ്ങിയിട്ടുണ്ട്. ഇത് മുടി കൊഴിച്ചിൽ കുറയ്ക്കാൻ സഹായിക്കുന്നു. ചുവന്ന രക്താണുക്കളുടെ ഉത്പാദനത്തിനും നിങ്ങളുടെ രോമകൂപങ്ങളെ ശക്തിപ്പെടുത്തുന്നതിനും സഹായിക്കുന്ന ഇരുമ്പും ചെമ്പും ബാർലിയിൽ ധാരാളമായി അടങ്ങിയിട്ടുണ്ട്.

. വിറ്റാമിൻ സി മുടി പൊട്ടുന്നത് തടയുന്നു. പേരയ്ക്കയിൽ ഓറഞ്ചിനെക്കാൾ കൂടുതൽ വിറ്റാമിൻ സി അടങ്ങിയിട്ടുണ്ട്.  ഇത് മുടി വളർച്ചയ്ക്ക് ആവശ്യമായ കൊളാജൻ പ്രവർത്തനം വർദ്ധിപ്പിക്കാൻ സഹായിക്കുന്നു.

. മുടി കൊഴിച്ചിൽ തടയാൻ ഭക്ഷണത്തിൽ വാൽനട്ട് ഉൾപ്പെടുത്തുക. ബയോട്ടിൻ, ബി വിറ്റാമിനുകൾ (ബി 1, ബി 6, ബി 9), വിറ്റാമിൻ ഇ, ധാരാളം പ്രോട്ടീൻ, മഗ്നീഷ്യം എന്നിവ അടങ്ങിയിട്ടുള്ള വാൾനട്ട് മുടിയെ ശക്തിപ്പെടുത്തുകയും തലയോട്ടിയെ പോഷിപ്പിക്കുകയും ചെയ്യുന്നു.

. മത്സ്യം ഉള്‍പ്പെടുത്തുന്നതും തലമുടിയുടെ വളര്‍ച്ചയ്ക്ക് ഏറെ സഹായകരമാണ്. സാൽമൺ, അയല, മത്തി തുടങ്ങിയ കൊഴുപ്പുള്ള മത്സ്യങ്ങൾ മുടി വളർച്ചയ്ക്ക് ആവശ്യമായ ഒമേഗ-3 ഫാറ്റി ആസിഡുകളുടെ മികച്ച ഉറവിടങ്ങളാണ്. 

. പയറുവര്‍ഗങ്ങള്‍ മുടിയുടെ ആരോ​ഗ്യത്തിന് മികച്ചൊരു മറ്റൊരു ഭക്ഷണമാണ്. പയറു വര്‍ഗങ്ങളില്‍ പ്രോട്ടീന്‍ ധാരാളമായി അടങ്ങിയിട്ടുണ്ട്. കൂടാതെ ഇരുമ്പ്, സിങ്ക്, ബയോട്ടിന്‍ തുടങ്ങിയ ഘടകങ്ങളും പയറുവര്‍ഗങ്ങളില്‍ അടങ്ങിയിരിക്കുന്നു. 

. മുട്ടയാണ് മുടിയുടെ ആരോ​ഗ്യത്തിന് മറ്റൊരു മികച്ച ഭക്ഷണം. മുട്ടയില്‍ പ്രോട്ടീന്‍ ധാരാളമായി അടങ്ങിയിട്ടുണ്ട്. ഇതിലെ പ്രോട്ടീന്‍ ഘടകം മുടിയുടെ ആരോഗ്യത്തിന് വളരെ നല്ലതാണ്.

. ആരോഗ്യ ഗുണങ്ങളാല്‍ സമ്പന്നമാണ് ഇലക്കറികള്‍. വിവിധ ഇലക്കറികൾ ഡയറ്റില്‍ ഉള്‍പ്പെടുത്തുന്നത് ശരീരത്തിന്റെ മാത്രമല്ല മുടിയുടെ ആരോഗ്യം മെച്ചപ്പെടുത്താനും സഹായിക്കും.