കടുത്ത ചൂട് ; വേനൽക്കാല രോഗങ്ങൾക്ക് സാധ്യത

മാർച്ച് മാസത്തിൽ തന്നെ കേരളത്തിലെ പല ജില്ലകളിലും ഉയർന്ന താപനില രേഖപ്പെടുത്തിക്കഴിഞ്ഞു. തലവേദന, ചർമ്മത്തിൽ ഉണ്ടാകുന്ന ചുവപ്പ്, ചൂടുകുരു എന്നു തുടങ്ങി സൂര്യാഘാതം, മഞ്ഞപ്പിത്തം എന്നീ തീവ്രത കൂടിയ അസുഖങ്ങളും ഉണ്ടാകുന്നു. 

വേനൽക്കാലത്തെ ഏറ്റവും സാധാരണമായ അസുഖം ഹൈപ്പർതേർമിയയാണ്.  ഉയർന്ന താപനിലയിൽ സമ്പർക്കം പുലർത്തുമ്പോൾ  ഹീറ്റ് സ്ട്രോക്ക് ഉണ്ടാകുന്നു. 

വെയിൽ കൊള്ളുമ്പോൾ ചർമ്മത്തിൽ പതിക്കുന്ന അൾട്രാവയലറ്റ് രശ്മികൾ കാരണം ചുവപ്പ്, ചൊറിച്ചിൽ, വരൾച്ച എന്നീ ബുദ്ധിമുട്ടുകൾ അനുഭവപ്പെടുന്നു.
 
 താപനില ഉയരുന്ന സാഹചര്യത്തിൽ ദേഹാധ്വാനം വേണ്ടുന്ന പ്രവർത്തികളിൽ ഏർപ്പെടുമ്പോൾ അണ് ഈ ലക്ഷണങ്ങൾ കാണുക. തൊലി കൂടുതൽ പൊള്ളുന്നതിനനുസരിച്ച് കുമിളകൾ വരുക, തൊലി അടർന്നു മാറുക എന്നീ പ്രശ്‌നങ്ങൾ ഉണ്ടാകാം.കൂടുതൽ വിയർക്കുന്നവരിൽ ചൂടുകുരുവും ഫംഗസ് ബാധയും കാണാറുണ്ട്. ചർമ്മ രോഗങ്ങൾ വളരെ ബുദ്ധിമുട്ട് ഉണ്ടാക്കുന്നവയാണ്.

വേനൽക്കാലത്തെ ചൂടിൽ ശരീരത്തിന് വെള്ളവും ഉപ്പും നഷ്ടപ്പെടാനുള്ള ഒരു മാർഗമാണ് വിയർപ്പ്.  ചൂടിൽ നിന്ന് രക്ഷപ്പെടാൻ കഴിയുന്നതും ശക്തമായ വെയിൽ ഉള്ളപ്പോൾ പുറത്ത് ഇറങ്ങാതിരിക്കുക. ചൂടിന്റെ ആഘാതം ഒഴിവാക്കാൻ, വേനൽക്കാലത്ത് നിങ്ങളുടെ ശരീരത്തിൽ ജലാംശം നിലനിർത്തേണ്ടത് വളരെ പ്രധാനമാണ്. ദിവസേന രണ്ടുതവണ കുളിയ്ക്കുക, അയഞ്ഞ കോട്ടൺ വസ്ത്രങ്ങൾ ധരിക്കുക.