.jpg)
രാത്രിയുള്ള ഉറക്കം ശരിയാകുന്നില്ലേ? എങ്കിൽ ഈ കാര്യങ്ങൾ പരീക്ഷിക്കാം
നന്നായി ഉറങ്ങാൻ കഴിയാത്തത് ക്ഷീണം, തലകറക്കം, തലവേദന തുടങ്ങി ശാരീരീകമായും പ്രശ്നങ്ങൾ ഉണ്ടാക്കാറുണ്ട്.ആവശ്യത്തിന് ഉറക്കം ലഭിച്ചില്ലെങ്കില് അത് ശരീരത്തെയും മനസ്സിനെയും ഒരുപോലെ ബാധിക്കാം. രാത്രി നന്നായി ഉറങ്ങിയില്ലെങ്കില് ക്ഷീണം, ക്ഷോഭം, പകൽ സമയങ്ങളിൽ ഉണ്ടാകുന്ന ഉറക്കം, രോഗപ്രതിരോധ ശേഷി ദുർബലമാവുക, ഉയർന്ന രക്തസമ്മർദ്ദം, മാനസിക സമ്മര്ദ്ദം എന്നിവയ്ക്ക് വരെ കാരണമാകാം. കണ്ണിന് ചുറ്റുമുള്ള കറുത്ത പാടിന് വരെ ഉറക്കമില്ലായ്മ ഒരു കാരണമാണ്.
. പതിവായി വ്യായാമം ചെയ്യുക. വ്യായാമം ചെയ്യുന്നത് രാത്രി നന്നായി ഉറങ്ങാന് മാത്രമല്ല, ശരീരം ആരോഗ്യത്തോടെയിരിക്കാനും സഹായിക്കും.
. സ്ട്രെസും ഉറക്കത്തെ തടസപ്പെടുത്തു. അതിനാല് സ്ട്രെസ് കുറയ്ക്കാനുള്ള കാര്യങ്ങള് ചെയ്യുക. അതിനായി യോഗയും മറ്റും പരീക്ഷിക്കാവുന്നതാണ്.
. ഒരു ഗ്ലാസ് പാല് എന്നും രാത്രി ഉറങ്ങുന്നതിന് മുമ്പ് കുടിക്കുന്നത് ഉറക്കം ലഭിക്കാന് സഹായിക്കും. അതുപോലെ നേന്ത്രപ്പം, കിവി, മത്തന് വിത്ത്, ബദാം, ഓട്സ്, തേന് തുടങ്ങിയവ രാത്രി ഉറക്കം ലഭിക്കാന് സഹായിക്കുന്ന ഭക്ഷണങ്ങളാണ്.
. വറുത്തതും, കൊഴുപ്പടങ്ങിയതും, എരിവുള്ളതുമായവ ഭക്ഷണങ്ങള് രാത്രി കഴിക്കുന്നത് ഒഴിവാക്കുക.
.രാത്രി ഉറങ്ങുന്നതിന് മുമ്പ് അമിതമായി ഭക്ഷണം കഴിക്കുന്നതും ഉറക്ക തടസത്തിന് കാരണമാകാം. അതിനാല് ഉറങ്ങുന്നതിന് 2-3 മണിക്കൂര് മുമ്പ് ഭക്ഷണം മിതമായി കഴിക്കാന് ശ്രമിക്കുക.
.ചിലര്ക്ക് വെളിച്ചം ഉറക്കം നഷ്ടപ്പെടാന് കാരണമാകും. അതിനാല് ഉറങ്ങാനുള്ള സമയത്ത് റൂമിലെ ലൈറ്റ് ഓഫ് ചെയ്യാം.
. കൃത്യ സമയത്ത് തന്നെ ഉറങ്ങാന് കിടക്കുന്നത് ഉറക്കം ലഭിക്കാന് സഹായിക്കും. അതിനാല് രാത്രി ഉറങ്ങാനായി കൃത്യമായ ഒരു സമയം നിശ്ചയിക്കുക.
. പലപ്പോഴും മൊബൈൽ ഫോണിന്റെയും മറ്റും അമിത ഉപയോഗം ആണ് ഉറക്കമില്ലായ്മയിലേയ്ക്ക് നയിക്കുന്നത്. അതിനാല് രാത്രി ഉറങ്ങുന്നതിന് മുമ്പ് മൊബൈൽ ഫോൺ, ടെലിവിഷൻ മുതലായവ ഉപയോഗിക്കുന്ന ശീലം അവസാനിപ്പിക്കുക. കിടക്കുന്ന ബെഡില് മൊബൈല് ഫോണ് വയ്ക്കരുത്.
