രോഗം വന്നശേഷമല്ല, വരുന്നതിനുമുമ്പേ കരുതൽ ; കേരളത്തിന്റെ പുതിയ ആരോഗ്യനീക്കം

 പകർച്ചവ്യാധികൾ തടയുന്നതിനായി മാസാടിസ്ഥാനത്തിൽ രോഗസാധ്യതകളും ലക്ഷണങ്ങളും പ്രതിരോധമാർഗങ്ങളും ഉൾപ്പെടുത്തിയ കേരളത്തിന്റെ ആദ്യ പകർച്ചവ്യാധി പ്രതിരോധ കലണ്ടർ 2026 ഒക്ടോബറിൽ പുറത്തിറക്കി. സമയബന്ധിതമായ രോഗനിരീക്ഷണവും ജനകീയ ബോധവൽക്കരണവും ശക്തമാക്കുകയാണ് ഇതിന്റെ ലക്ഷ്യം. 
 
 കാലാവസ്ഥയിലും പരിസ്ഥിതിയിലും ഉണ്ടാകുന്ന മാറ്റങ്ങൾ ചില രോഗങ്ങളുടെ വ്യാപനസാധ്യതയെ സ്വാധീനിക്കാം. രോഗലക്ഷണങ്ങൾ നേരത്തേ തിരിച്ചറിയുകയും ആരോഗ്യവകുപ്പിന്റെ നിർദേശങ്ങൾ പാലിക്കുകയും ചെയ്യുന്നത് രോഗവ്യാപനം കുറയ്ക്കാൻ സഹായിക്കും.

വീടും പരിസരവും വൃത്തിയായി സൂക്ഷിക്കുക, കൊതുക് വളരാൻ ഇടയുള്ള വെള്ളക്കെട്ടുകൾ ഒഴിവാക്കുക, സുരക്ഷിതമായ കുടിവെള്ളം ഉപയോഗിക്കുക തുടങ്ങിയ പ്രതിരോധ നടപടികൾക്കും പ്രാധാന്യമുണ്ട്.