പ്രമേഹം പെട്ടെന്ന് കുറയ്ക്കാൻ കുടിക്കൂ പാവക്ക ജ്യൂസ്


രക്തത്തിലെ പഞ്ചസാരയുടെ അളവ് നിയന്ത്രിക്കുന്ന ഹോർമോണാണ് ഇൻസുലിൻ. പാൻക്രിയാസ് ഗ്രന്ഥിയാണ് ഇൻസുലിൻ ഉത്പാദിപ്പിക്കുന്നത്. ഈ ഗ്രന്ഥി ശരീരത്തിനാവശ്യമായ ഇൻസുലിൻ ഉത്പാദിപ്പിക്കാതിരിക്കുകയോ അല്ലെങ്കിൽ ഉത്പാദിപ്പിക്കുന്ന ഇൻസുലിൻ ശരീരത്തിന് ഫലപ്രദമായി ഉപയോഗിക്കാൻ കഴിയാതെ വരികയോ ചെയ്യുന്ന അവസ്ഥയാണ് പ്രമേഹം.
പാവയ്ക്ക ജ്യൂസ് കയ്പ് രുചി ആണെന്ന് പ്രത്യേകം പറയേണ്ടതില്ലല്ലോ.എന്നാൽ ചില വഴികളിലൂടെ നമുക്ക് ഇതിന്റെ കയ്പ് കുറയ്ക്കാനാകും.ഉദാഹരണത്തിന് ഇതിന്റെ വിത്തുകളും തോലും നീക്കുകയും അല്പം ഉപ്പും ഏതാനും തുള്ളി നാരങ്ങാനീരും ചേർക്കാവുന്നതാണ്.നാരങ്ങാ രുചി മാത്രമല്ല വിറ്റാമിൻ സി യുടെ കലവറ കൂടിയാണ്.ഇത് നിങ്ങളുടെ ആരോഗ്യത്തിന് കൂടുതൽ ഗുണകരമാകും.
പാവയ്ക്ക ജ്യൂസ് കുടിക്കാൻ രാവിലെയാണ് നല്ല സമയം.കഫീൻ അടങ്ങിയ കോഫി പോലുള്ളവ കഴിക്കുന്നതിനു മുൻപ് വെറും വയറ്റിൽ കുടിക്കുന്നതാണ് നല്ലത്. നിങ്ങൾക്ക് അസിഡിറ്റി ഉണ്ടെങ്കിൽ ഉച്ചയ്ക്ക് ഭക്ഷണത്തിന് ശേഷം കഴിക്കാവുന്നതാണ്.
പ്രമേഹം നിയന്ത്രിക്കാനുള്ള ഘടകങ്ങൾ നിറഞ്ഞ പാവയ്ക്കയിൽ ചാറാന്റിന് ,പോളിപെപ്റ്റായിട് 2 എന്നിവയും ഉണ്ട്.ഇവ രക്തത്തിലെ പഞ്ചസാരയുടെ അളവ് കുറയ്ക്കുകയും ഹൃദയാഘാതത്തിൽ നിന്നും സംരക്ഷിക്കുകയും ചെയ്യും.ഇതിലെ ആന്റി ഓക്സിഡന്റുകൾ പ്രതിരോധ ശേഷി വർദ്ധിപ്പിക്കുകയും ചെയ്യും.ചർമ്മത്തിലെ കോശങ്ങളെ സംരക്ഷിക്കുകയും പ്രായമാകുന്നത് തടയുകയും വീക്കം കുറയ്ക്കുകയും ചെയ്യും.
