.jpg)
അരിഞ്ഞ സവാള ദിവസങ്ങളോളം കേടുകൂടാതെ സൂക്ഷിക്കണോ ? എങ്കിൽ ഇങ്ങനെ ചെയ്താൽ മതി
വീട്ടിൽ മിക്ക കറികളിലെയും പ്രധാന ചേരുവയാണ് സവാള. എല്ലാ പച്ചക്കറികളും പോലെ ഉള്ളിയും വീട്ടിൽ ശരിയായ സൂക്ഷിക്കേണ്ടത് വളരെ പ്രധാനമാണ്. പക്ഷെ കുറച്ച് അധികം സ്റ്റോക്ക് ചെയ്താൽ ഉള്ളി ചീഞ്ഞു പോകുമോ എന്ന ആശങ്കയിലാണ് പലരും.
പലര്‍ക്കും സവാള അരിയുന്നത് അത്ര ഇഷ്ടമുള്ള കാര്യമല്ല. തന്നെയുമല്ല സവാള അരിയാന്‍ കുറേ സമയമെടുക്കും എന്നതും ഒരു വലിയ പ്രശ്‌നം തന്നെയാണ്. അതുകൊണ്ട് തന്നെ സവാള നമുക്ക് കുറച്ചധികം അരിഞ്ഞ് സൂക്ഷിക്കാവുന്നതാണ്.
അത്തരത്തില്‍ സവാള അരിഞ്ഞ് സൂക്ഷിച്ചാല്‍ അത്യാവശ്യ സാഹചര്യങ്ങളില്‍ അത് നമുക്ക് ഉപയോഗിക്കാം. എന്നാല്‍ അരിഞ്ഞ സവാള എങ്ങനെ സൂക്ഷിക്കാം എന്ന് പലര്‍ക്കും അറിയില്ല എന്നതാണ് വാസ്തവം. അരിഞ്ഞ ഉള്ളി ഫ്രിഡ്ജില്‍ സൂക്ഷിക്കാം. ഇത് മുറിച്ചോ അല്ലെങ്കില്‍ എയര്‍ ടൈറ്റ് കണ്ടെയ്‌നറിലോ പ്ലാസ്റ്റിക് ബാഗിലോ സിപ്പ് ലോക്ക് ഉപയോഗിച്ച് സൂക്ഷിക്കാവുന്നതാണ്.
ഇത്തരത്തില്‍ ഉള്ളി പത്ത് ദിവസം ഫ്രഷ് ആയി സൂക്ഷിക്കാം. എന്നാല്‍ ഇതുപോലെ വേവിച്ച ഉള്ളി ഫ്രിഡ്ജില്‍ വച്ചാല്‍ നാല് ദിവസം വരെ മാത്രമേ നല്ലതായിരിക്കൂ. കൂടാതെ അരിഞ്ഞ ഉള്ളി ഒരു പേപ്പര്‍ ബാഗിലോ തുറന്ന കൊട്ടയിലോ ധാരാളം ദ്വാരങ്ങളോ വായു കടക്കാത്ത പാത്രത്തിലോ സൂക്ഷിക്കുന്നതും നല്ലതാണ്.
