.jpg)
ബിപി കുറയുന്നതിന്റെ ആദ്യ ലക്ഷണങ്ങൾ, ഇവയെ ഒരിക്കലും അവഗണിക്കരുത്
ഉയർന്ന രക്തസമ്മർദ്ദം ഇന്ന് പലരെയും ബാധിക്കുന്ന ഒരു മൗന രോഗമായി മാറിയിരിക്കുകയാണ്. ഇത് പരിഗണിക്കാതിരുന്നാൽ ഹൃദയാഘാതം, സ്ട്രോക്ക് തുടങ്ങിയ ഗുരുതര ആരോഗ്യപ്രശ്നങ്ങളിലേക്ക് നയിക്കാമെന്നത് എല്ലാവരും അറിയുന്ന കാര്യമാണ്. മാനസിക സമ്മർദ്ദം, അമിത ഉപ്പിന്റെ ഉപയോഗം, അമിതവണ്ണം, പുകവലി, മദ്യപാനം എന്നിവ ഉയർന്ന രക്തസമ്മർദ്ദത്തിന് പ്രധാന കാരണങ്ങളാണെന്ന് ലോകാരോഗ്യ സംഘടന വ്യക്തമാക്കുന്നു.
ബിപി കുറയുന്നതിന്റെ ലക്ഷണങ്ങള് പലരും നിസാരമായാണ് കാണാറുള്ളത്. രക്തസമ്മർദം 90/60 ലും താഴെ വരുമ്പോഴാണ് ഹൈപ്പോടെൻഷൻ എന്ന അവസ്ഥയായി കണക്കാക്കുന്നത്. ഇതും ഹൃദയത്തെയും തലച്ചോറിനെയുമൊക്കെ മോശമായി ബാധിക്കാം. കൂടാതെ കരളിന്റെയും വൃക്കകളുടെയും ആരോഗ്യത്തെയും ഇവ മോശമായി ബാധിച്ചേക്കാം. തലകറക്കം, വീഴാൻ പോകുന്ന പോലെ തോന്നൽ, പെട്ടെന്ന് ഓര്മ്മ നഷ്ടപ്പെടുന്ന പോലെ തോന്നുക, കാഴ്ച മങ്ങല്, ദാഹം, ക്ഷീണം, ഛര്ദ്ദി, ശരീരം തണുക്കുക, ശ്വസിക്കാന് ബുദ്ധിമുട്ട് തുടങ്ങിയവയൊക്കെ ബിപി കുറയുന്നതിന്റെ പ്രധാന ലക്ഷണങ്ങൾ ആണ്.
രക്തസമ്മര്ദ്ദം താഴാന് പല കാരണങ്ങളുണ്ട്. അതിലൊന്നാണ് ശരീരത്തില് ജലാംശം കുറയുന്നത്. അതിനാല് ധാരാളം വെള്ളം കുടിക്കാന് ശ്രദ്ധിക്കുക. രക്തം നഷ്ടമാകുമ്പോള്, ഹൃദയ സംബന്ധമായ രോഗങ്ങള്, പരിക്കുകള്, അലര്ജി, എന്ഡോക്രെയ്ന് രോഗങ്ങള് എന്നിങ്ങനെ പല കാരണങ്ങള് മൂലവും രക്തസമ്മര്ദ്ദം കുറയാം. ചില തരം അലർജികൾ, ചില മരുന്നുകൾ തുടങ്ങിയവയും ഇതിനു കാരണമാകാം. പ്രഷർ കുറഞ്ഞാൽ തലയിലേക്കു മാത്രമല്ല ശരീരത്തിന്റെ വിവിധ അവയവങ്ങളിലേക്കും രക്തമൊഴുക്കു കുറയും. അത് ഹൃദയത്തിന്റെ പ്രവർത്തനത്തെയും വൃക്കയുടെയുമൊക്കെ തകരാറുകൾക്കും കാരണമാകാം. അതിനാല് ബിപി കുറയുന്നത് നിസാരമായി കാണരുത്.