വൃക്കകളെ സംരക്ഷിക്കാം ; ഈ ഭക്ഷണങ്ങൾ ശീലമാക്കൂ

ആരോഗ്യകരമായ ജീവിതത്തിന് ഏറ്റവും പ്രധാനമാണ് ശരീരത്തിലെ വൃക്കകളുടെ പ്രവർത്തനം.ശരീരത്തിൽ നിന്ന് വിഷ വസ്തുക്കളെയും മാലിന്യങ്ങളെയും പുറന്തള്ളാൻ വൃക്കകൾ പ്രവർത്തിക്കുന്നു.എന്നാൽ നമ്മുടെ ചില ദൈനംദിന ശീലങ്ങൾ പലപ്പോഴും വൃക്കകളെ ദോഷകരമായി ബാധിക്കുന്നുണ്ട് .വൃക്കരോഗങ്ങൾ ബാധിക്കുന്നവരുടെ എണ്ണവും  ദിനംപ്രതി കൂടിവരികയാണ്. വൃക്കകൾ രക്തത്തിൽ നിന്നുള്ള അധിക ദ്രാവകങ്ങൾ ഫിൽട്ടർ ചെയ്യുന്നതിൽ നിർണായക പങ്ക് വഹിക്കുന്നു.ശരീരത്തിൽ നിന്ന് വിഷ വസ്തുക്കളെയും മാലിന്യങ്ങളെയും പുറന്തള്ളാൻ വൃക്കകൾ പ്രവർത്തിക്കുന്നു.വേദന സംഹാരികളുടെ അമിത ഉപയോഗം വൃക്കകൾ വളരെ വേഗത്തിൽ തകരാറിലാക്കുമെന്ന് പലർക്കും അറിയില്ല. ക്രോണിക് കിഡ്‌നി ഡിസീസ് (സികെഡി), കിഡ്‌നി സ്റ്റോൺ, കിഡ്‌നി അണുബാധ, പോളിസിസ്റ്റിക് കിഡ്‌നി ഡിസീസ് എന്നിവ ചില സാധാരണ വൃക്കരോഗങ്ങളിൽ ഉൾപ്പെടുന്നു.

ആരോ​ഗ്യകരമായ ഭക്ഷണക്രമം വൃക്കരോഗത്തെ തടയില്ലെങ്കിലും അത് തീർച്ചയായും അപകടസാധ്യത കുറയ്ക്കാനും നിലവിലുള്ള വൃക്കരോഗങ്ങളെ നിയന്ത്രിക്കാനും സഹായിക്കും. അമിതമായ അളവിൽ പ്രോട്ടീൻ കഴിക്കുന്നത് വൃക്കകളെ തകരാറിലാക്കും. ഉപ്പ് കൂടുതലുള്ള ഭക്ഷണക്രമം രക്തസമ്മർദ്ദം ഉയർത്താൻ പ്രവർത്തിക്കുന്നു. ഇത് വൃക്കരോഗ സാധ്യതയും വർദ്ധിപ്പിക്കുന്നു.

വൃക്കരോഗമുള്ളവർ പലപ്പോഴും ഫോസ്ഫറസും പൊട്ടാസ്യവും കൂടുതലുള്ള ഭക്ഷണങ്ങൾ കഴിക്കുന്നത് പരിമിതപ്പെടുത്തേണ്ടതുണ്ട്. ചില വെജിറ്റേറിയൻ ഭക്ഷണങ്ങൾ വൃക്കകളുടെ ആരോഗ്യം വർദ്ധിപ്പിക്കുകയും വിവിധ വൃക്കരോഗങ്ങൾക്കുള്ള സാധ്യത കുറയ്ക്കുകയും ചെയ്യും.
 വിറ്റാമിൻ സി, ഫോളിക് ആസിഡ്, ആന്റിഓക്‌സിഡന്റുകൾ തുടങ്ങിയ പോഷകങ്ങളാൽ സമ്പന്നമായ ഭക്ഷണങ്ങൾ   വൃക്ക തകരാറിൽ നിന്ന് സംരക്ഷിക്കാൻ സഹായിക്കും. കാലാവസ്ഥയ്ക്കനുസരിച്ചുള്ള ഭക്ഷണപാനീയങ്ങളുടെ ഉപയോഗം ശ്രദ്ധിക്കേണ്ടതുണ്ട്
 
ആന്റിഓക്‌സിഡന്റുകൾ അടങ്ങിയ ബ്ലൂബെറി, സ്ട്രോബെറി, ക്രാൻബെറി തുടങ്ങിയ സരസഫലങ്ങൾ വീക്കം കുറയ്ക്കാനും വൃക്കകളുടെ ആരോഗ്യം മെച്ചപ്പെടുത്താനും സഹായിക്കും. കിഡ്‌നിയെ സംരക്ഷിക്കാൻ സഹായിക്കുന്ന പോഷകങ്ങളും അവയിൽ അടങ്ങിയിട്ടുണ്ട്.നാരുകൾ, പ്രോട്ടീൻ, അവശ്യ പോഷകങ്ങൾ എന്നിവ അടങ്ങിയ ഭക്ഷണം ശീലമാക്കുക. അത് വൃക്കകളെ സംരക്ഷിക്കുന്നതിന് സഹായിക്കുന്നു. ചെറുപയർ, പയർ, കിഡ്നി ബീൻസ് തുടങ്ങിയ പയർവർഗ്ഗങ്ങൾ വൃക്കയുടെ ആരോഗ്യത്തിന് ഗുണം ചെയ്യും.

നാരുകൾ, വിറ്റാമിനുകൾ, ധാതുക്കൾ എന്നിവയുടെ നല്ല ഉറവിടമാണ് മധുരക്കിഴങ്ങ്. അതേസമയം സോഡിയം കുറവായിരിക്കും. ഇത് മൊത്തത്തിലുള്ള വൃക്കകളുടെ ആരോഗ്യത്തിന് ഗുണം ചെയ്യും. ബദാം, ഫ്ളാക്സ് സീഡുകൾ, ചിയ വിത്തുകൾ എന്നിവയിൽ ആരോഗ്യകരമായ കൊഴുപ്പും നാരുകളും സസ്യാധിഷ്ഠിത പ്രോട്ടീനും അടങ്ങിയിട്ടുണ്ട്. ഇത് വൃക്കകളെ സംരക്ഷിക്കുന്നു. ആന്റി-ഇൻഫ്ലമേറ്ററി, ആന്റിഓക്‌സിഡന്റ് ഗുണങ്ങളുള്ള വെളുത്തുള്ളി വീക്കം കുറയ്ക്കാനും വൃക്കരോഗ സാധ്യത കുറയ്ക്കാനും സഹായിക്കും.

പൂര്‍ണമായ ആരോഗ്യത്തിന് മികച്ച വൃക്കകള്‍ അത്യന്താപേക്ഷിതമാണ്. ശരീരത്തിലെത്തുന്ന ആഹാരം, വെള്ളം ഉള്‍പ്പഉള്‍പ്പെടെയുള്ളവയുടെ അവശിഷ്ടങ്ങള്‍ സംസ്‌കരിക്കുന്നത് മുതല്‍ ഹോര്‍മോണുകള്‍ ഉണ്ടാക്കുന്നതുവരെ നിരവധി പ്രവർത്തനങ്ങൾ വൃക്കയുടെ ഉത്തരവാദിത്തമാണ് .അതുകൊണ്ട് തന്നെ വൃക്കകൾ സംരക്ഷിക്കേണ്ടത് അത്യന്താപേക്ഷിതമാണ് .