.jpg)
പുരുഷന്മാര്‍ ഡയറ്റിലുള്‍പ്പെടുത്തേണ്ട ചില ജ്യൂസുകളെ കുറിച്ച് അറിയാം
ഭക്ഷണത്തിലൂടെ അവശ്യപോഷകങ്ങള്‍ കിട്ടുന്നതില്‍ കുറവ് സംഭവിക്കുമ്പോള്‍ അത് ശരീരത്തെ പല രീതിയില്‍ ബാധിക്കാം. ഇത്തരത്തില്‍ ആരോഗ്യകാര്യങ്ങളില്‍ ജാഗ്രതയുള്ള പുരുഷന്മാര്‍ ഡയറ്റിലുള്‍പ്പെടുത്തേണ്ട ചില ജ്യൂസുകളെ കുറിച്ചാണിനി പങ്കുവയ്ക്കുന്നത്.
ഈ ജ്യൂസുകള്‍ കഴിക്കണമെന്ന് നിര്‍ദേശിക്കുന്നതിന് പിന്നിലൊരു കാരണവുമുണ്ട്. മറ്റൊന്നുമല്ല പുരുഷന്മാരിലെ 'സെക്സ് ഹോര്‍മോണ്‍' ആയിട്ടുള്ള ടെസ്റ്റോസ്റ്റെറോണ്‍ ഹോര്‍മോണ്‍ ഉത്പാദനം കൂട്ടുന്നതിനാണ് ഈ ജ്യൂസുകള്‍ സഹായിക്കുന്നത്.
മാതളം ജ്യൂസാണ് ഇതിലുള്‍പ്പെടുന്ന ഒന്ന്. ടെസ്റ്റോസ്റ്റെറോണ്‍ ഹോര്‍മോണ്‍ ഉത്പാദനം കൂട്ടുന്നതിനും ലൈംഗികജീവിതം മെച്ചപ്പെടുത്തുന്നതിനുമെല്ലാം മാതളം പുരുഷന്മാരെ സഹായിക്കുന്നു.
പൈനാപ്പിളും പുതിനയും ചേര്‍ത്ത് തയ്യാറാക്കുന്ന ജ്യൂസാണ് അടുത്തത്. പൈനാപ്പിള്‍ വൈറ്റമിൻ-സിയുടെ നല്ലൊരു സ്രോതസാണ്. ഇത് ആരോഗ്യത്തിന് അവശ്യം വേണ്ടുന്നൊരു ഘടകം തന്നെയാണ്. എന്നാല്‍ ഇതിലടങ്ങിയിരിക്കുന്ന വൈറ്റമിൻ-ബിയാണ് ലൈംഗികാരോഗ്യം വര്‍ധിപ്പിക്കാൻ സഹായിക്കുന്നത്.
ബദാമും ഈന്തപ്പഴവും ചേര്‍ത്ത് തയ്യാറാക്കുന്ന ഷെയ്ക്കും ഇത്തരത്തില്‍ ടെസ്റ്റോസ്റ്റെറോണ്‍ ഹോര്‍മോണ്‍ ഉത്പാദനം കൂട്ടാൻ സഹായിക്കുന്നതാണ്. ഈന്തപ്പഴും ബദാമും ഒരുപോലെ ലൈംഗികാരോഗ്യത്തിന് നല്ലതായിട്ടുള്ള ഭക്ഷണമാണ്.
വൈറ്റമിനുകളാലും ആന്‍റി-ഓക്സിഡന്‍റുകളാലും സമ്പന്നമായ പച്ചക്കറിയാണ് ബീറ്റ്‍റൂട്ട്. ഇതിന് പുറമെ ബീറ്റ്‍റൂട്ടില്‍ ധാരാളമായി ഡയറ്ററി നൈട്രേറ്റ്സ് അടങ്ങിയിരിക്കുന്നു. ഇത് ടെസ്റ്റോസ്റ്റെറോണ്‍ ഹോര്‍മോണ്‍ ഉത്പാദനം കൂട്ടുന്നു. ആഴ്ചയില്‍ രണ്ടോ മൂന്നോ തവണയെല്ലാം ഇത് കഴിച്ചാല്‍ തന്നെ വളരെ നല്ലതാണ്.
