.jpg)
അറിയാതെ പോകരുത് തേനിന്റെ ഈ ഗുണങ്ങൾ
തേനിൻ്റെ ആരോഗ്യ ഗുണങ്ങളെക്കുറിച്ച് അറിയാത്തവരായി ആരും കാണില്ല. ചർമ്മത്തിനും ആരോഗ്യത്തിനുമൊക്കെ തേൻ ഏറെ നല്ലതാണെന്ന് എല്ലാവർക്കുമറിയാം. തേൻ കഴിച്ചാൽ പല ഗുണങ്ങളും ലഭിക്കാറുമുണ്ട്. മധുരം അമിതമായി കഴിക്കുന്നത് ആരോഗ്യത്തിന് അത്ര നല്ലതല്ലെന്ന് എല്ലാവർക്കുമറിയാം. പ്രമേഹം പോലുള്ള രോഗങ്ങളുണ്ടാകാൻ ഇത് കാരണമാകാറുണ്ട്. പക്ഷെ തേനിലുള്ളത് സ്വാഭാവിക മധുരമായത് കൊണ്ട് തന്നെ ഇത് ആരോഗ്യത്തിന് അത്ര ദോഷകരമല്ല. കടയിൽ നിന്ന് വാങ്ങുമ്പോൾ ഗുണവും മികവുമുള്ള തേൻ വാങ്ങാൻ എല്ലാവരും ശ്രമിക്കണം. നല്ല ആരോഗ്യത്തിന് തേൻ ഏറെ നല്ലതാണ്.
തേനിന് മോയ്സ്ചറൈസിംഗ് ഗുണങ്ങളുണ്ട്, അത് നിങ്ങളുടെ ചർമ്മത്തെ മൃദുവാക്കുക മാത്രമല്ല, നിങ്ങളുടെ മുടി കണ്ടീഷൻ ചെയ്യാനും ആരോഗ്യകരമാക്കാനും സഹായിക്കുന്നു. ഇതിൽ നിങ്ങളുടെ മുടിക്ക് ഗുണം ചെയ്യുന്ന ആൻ്റി ഓക്‌സിഡൻ്റുകൾ അടങ്ങിയിട്ടുണ്ട്
തേനിൽ പോളിഫിനോൾസ്, ഫ്ലേവനോയ്ഡുകൾ, വിറ്റാമിൻ സി തുടങ്ങിയ ആൻ്റിഓക്‌സിഡൻ്റുകൾ അടങ്ങിയിട്ടുണ്ട്. ഈ ആൻ്റിഓക്‌സിഡൻ്റുകൾ കാരണം, രക്തത്തിലെ കൊഴുപ്പിൻ്റെ അളവ് മെച്ചപ്പെടുത്താനും രക്തസമ്മർദ്ദം കുറയ്ക്കാനും നിങ്ങളുടെ ഹൃദയമിടിപ്പ് നിയന്ത്രിക്കാനും തേൻ സഹായിച്ചേക്കാം. ഈ ഘടകങ്ങൾ നിങ്ങളുടെ ഹൃദയാരോഗ്യം മെച്ചപ്പെടുത്താൻ സഹായിക്കും.
അല്പം തേനും വെളിച്ചെണ്ണയും ചേർത്ത് മസാജ് ചെയ്യുന്നത് മുഖ സൗന്ദര്യം കൂട്ടുകയും ചർമം മൃദുലമാക്കുകയും ചെയ്യും
ഒരു ഗ്ലാസ് ചൂടുപാലിൽ അല്പം തേൻ ചേർത്ത് കുടിക്കുന്നത് നല്ല ഉറക്കം നൽകും.
മികച്ച ആന്റിബയോട്ടിക് കൂടിയാണ് തേൻ. മുറിവോ, പൊള്ളലോ ഉള്ള ഭാഗത്ത് അല്പം തേൻ പുരട്ടുന്നത് നല്ലതാണ്.
മറ്റ് ആരോഗ്യ പ്രശ്നങ്ങൾ ഇല്ലെങ്കിൽ രാവിലെ ഒരു ഗ്ലാസ് വെള്ളത്തിൽ അല്പം തേൻ ചേർത്ത് കഴിക്കാം. ഇത് ക്ഷീണം, തളർച്ച എന്നിവ അകറ്റും
അലർജി, വരണ്ട ചുമ എന്നിവയെ പ്രതിരോധിക്കാൻ സഹായിക്കുന്ന ആന്റിഇൻഫ്ളമേറ്ററി ഗുണങ്ങൾ തേനിൽ അടങ്ങിയിട്ടുണ്ട്.
