പാദം വിണ്ടുകീറുന്നുണ്ടോ ? ഇതാ ചില പൊടിക്കെെകൾ

ചർമ്മസംരക്ഷണത്തിൽ പലപ്പോഴും എല്ലാവരും അവഗണിക്കുന്ന ഒന്നാണ് .കാൽപാദങ്ങളുടെ സംരക്ഷണം. പാദങ്ങൾ‌ വിണ്ടുകീറുന്നത് ഇന്ന് ചിലരിലെങ്കിലും കാണുന്ന പ്രശ്നമാണ്. തണുപ്പുകാലത്താണ് ഈ പ്രശ്നം കൂടുതൽ രൂക്ഷമാകുന്നത്.അവ അസ്വാസ്ഥ്യവും വേദനാജനകവുമാകാം. നടക്കാനുള്ള ബുദ്ധിമുട്ടിനും കാരണമാകുന്നു. 

പാദങ്ങൾ‌ വിണ്ടുകീറിയിട്ടുണ്ടെങ്കിൽ, വീട്ടിൽ തന്നെ ചെയ്യാവുന്ന ചില പരിഹാര മാർഗ്ഗങ്ങൾ ഉണ്ട് .

1  പാദങ്ങളിൽ ക്രീമുകൾ പുരട്ടുന്നതിൽ സ്ഥിരത പുലർത്തുക
 
പലവിധ ക്രീമുകൾ മാറിമാറി ഉപയോഗിക്കുന്നത് ഗുണത്തേക്കാളേറെ ദോഷം ചെയ്യും . കൃത്യമായ അളവിൽ മാത്രം ക്രീമുകൾ ഉപയോഗിക്കുക. ഒരു ബ്രാൻഡ് തന്നെ ഉപയോഗിക്കാൻ ശ്രദ്ധിക്കുക . പാദങ്ങളിൽ ദിവസത്തിൽ രണ്ടുതവണയെങ്കിലും മോയ്സ്ചറൈസർ ഉപയോഗിക്കുക. വിദഗ്ധരുടെ അഭിപ്രായം  തേടിയിട്ട്  മാത്രം റീമുകൾ പുരട്ടുന്നതാണ് അഭികാമ്യം . 

2 വെളിച്ചെണ്ണ അഭികാമ്യം 

കിടക്കും മുമ്പ് കാല് നന്നായി കഴുകി തുടച്ചു വൃത്തിയാക്കുക. ശേഷം ഉപ്പൂറ്റിയിലും കാലിലുമാകെ വെളിച്ചെണ്ണ പുരട്ടി മസാജ് ചെയ്യുക. കോട്ടൺ സോക്‌സ് ധരിച്ച് കിടന്നു ഉറങ്ങുക. അടുത്ത ദിവസം രാവിലെ കഴുകിക്കളയാം. 

3 തേൻ പുരട്ടുക 

ഒരു ബക്കറ്റിൽ ഇളം ചൂട് വെള്ളം ഒഴിക്കുക. ഇതിലേക്ക് ഒരു കപ്പ് തേൻ ഒഴിച്ച് മിക്‌സ് ചെയ്യുക. ഇതിലേക്കു കാലിറക്കി വയ്ക്കുക. ഇരുപത് മിനിറ്റോളം ഇപ്രകാരം വയ്ക്കണം. ശേഷം കാൽ പുറത്തെടുത്ത് കഴുകാം. കാലുകൾ മൃദുവാകാനും മികച്ച വഴിയാണിത്. 

4 നാരങ്ങാനീര് ബെസ്റ്റാ 

കാൽ ബക്കറ്റ് വെള്ളമെടുത്ത് അതിൽ ഒരു നാരങ്ങ പിഴിയുക. പാദം അതിലിറക്കി വെച്ച് കുതിർത്തതിന് ശേഷം പ്യുമിക് സ്‌റ്റോൺ ഉപയോഗിച്ച് വിള്ളലുള്ള ഭാഗങ്ങൾ ഉരച്ച് കഴുകുക. ആഴ്ചയിൽ രണ്ട് തവണ ഇത് ചെയ്യണം. ഇത് പാദത്തിലെ വിള്ളൽ ഇല്ലാതാക്കുന്നു.