.jpg)
കൊളസ്ട്രോള് കുറയ്ക്കാന് ഡയറ്റില് ഉള്പ്പെടുത്താം ഈ ഹെല്ത്തി ഫുഡുകള്
ഇന്നത്തെ കാലത്ത് കൊളസ്ട്രോൾ, രക്തസമ്മർദ്ദം, പ്രമേഹം തുടങ്ങിയ രോഗങ്ങളാണ് പലരേയും അലട്ടുന്നത്. കൊളസ്ട്രോളാണ് പ്രധാന വില്ലനായി മാറിയിരിക്കുന്നത്. രക്തത്തിലെ കൊഴുപ്പുള്ള പദാർത്ഥമാണ് കൊളസ്ട്രോൾ. ഇത് പരിമിതമായ അളവിൽ ഉപയോഗപ്രദമാണ്, പക്ഷേ ഇത് രക്തത്തിലെ സാധാരണ നിലയ്ക്ക് മുകളിൽ പോകുമ്പോൾ ദോഷകരമാണ്.
നെഞ്ചുവേദന, തലകറക്കം, മനംമറിച്ചില്, മരവിപ്പ്, അമിതമായ ക്ഷീണം, ശ്വാസംമുട്ടല്, നെഞ്ചിന് കനം, രക്തസമ്മര്ദ്ദം ഉയരുക, അവ്യക്തമായ സംസാരം, കാലിന്റെ കീഴ്ഭാഗത്ത് വേദന എന്നിവയെല്ലാം ഉയര്ന്ന കൊളസ്ട്രോളിന്റെ ലക്ഷണങ്ങളാണ്. ഭക്ഷണത്തിലും ജീവിതശൈലിയിലും ചില മാറ്റങ്ങള് വരുത്തുന്നതിലൂടെ ചീത്ത കൊളസ്ട്രോള് അഥവാ എല്ഡിഎല് തോത് കുറയ്ക്കാന് സാധിക്കും. കൊളസ്ട്രോള് കുറയ്ക്കാന് സഹായിക്കുന്ന ചില ഭക്ഷണങ്ങളെ പരിചയപ്പെടാം...
. ധാരാളം ആരോഗ്യ ഗുണങ്ങളുളള ഒന്നാണ് അവക്കാഡോ അഥവാ വെണ്ണപ്പഴം. കൊളസ്ട്രോൾ കുറയ്ക്കാന് ദിവസവും ഒരു അവക്കാഡോ പഴം കഴിക്കുന്നത് നല്ലതാണെന്നാണ് പഠനങ്ങള് പറയുന്നത്. ഒപ്പം ഹൃദയത്തിന്റെ ആരോഗ്യത്തെയും ഇവ സംരക്ഷിക്കും.
. പപ്പായയില് ധാരാളം ഫൈബര് അടങ്ങിയിട്ടുണ്ട്. ഇത് രക്തസമ്മര്ദവും ചീത്ത കൊളസ്ട്രോള് എന്നറിയപ്പെടുന്ന എല്ഡിഎല് കൊളസ്ട്രോളും കുറയ്ക്കാന് സഹായിക്കും. അതിനാല് പപ്പായ ജ്യൂസ് ഡയറ്റില് ഉള്പ്പെടുത്താം.
. സോയ പാല് ആണ് അടുത്തതായി ഈ പട്ടികയില് ഉള്പ്പെടുന്നത്. സാധാരണ പാലിന് പകരം സാച്ചുറേറ്റഡ് കൊഴുപ്പ് കുറവുള്ള സോയ പാല് ഭക്ഷണത്തില് ഉള്പ്പെടുത്തുന്നത് കൊളസ്ട്രോള് കുറയ്ക്കാന് സഹായിക്കും. ഹൃദ്രോഗ പ്രശ്നങ്ങളുള്ളവര്ക്കും സോയ പാല് കുടിക്കുന്നത് നല്ലതാണ്.
. നാരങ്ങ, ഓറഞ്ച്, മുന്തിരി പോലുള്ള സിട്രസ് പഴങ്ങളെല്ലാം കൊളസ്ട്രോള് തോത് നിയന്ത്രിക്കുന്നവയാണ്. അതിനാല് ഇവയുടെ ജ്യൂസുകളും ചീത്ത കൊളസ്ട്രോള് കുറയ്ക്കാന് സഹായിക്കും. ഇവയില് അടങ്ങിയിരിക്കുന്ന പെക്ടിന് ഫൈബറും ലിമോനോയ്ഡ് സംയുക്തങ്ങളും രക്തധമനികള് കട്ടിയാകുന്നത് തടഞ്ഞ് എല്ഡിഎല് തോത് കുറച്ച് കൊണ്ടു വരുന്നു. സിട്രസ് പഴങ്ങളിലെ ആന്റിഓക്സിഡന്റുകള് ഹൃദയാഘാതം, പക്ഷാഘാതം തുടങ്ങിയവയുടെ സാധ്യതയും കുറയ്ക്കുന്നു. അതിനാല് നാരങ്ങാ ജ്യൂസ്, ഓറഞ്ച് ജ്യൂസ്, മുന്തിരി ജ്യൂസ് എന്നിവ ഡയറ്റില് ഉള്പ്പെടുത്താം.
. ഉയര്ന്ന കൊളസ്ട്രോളുള്ളവര് നിര്ബന്ധമായും കുടിക്കേണ്ട പാനീയമാണ് ഗ്രീന് ടീ. ഇതില് അടങ്ങിയിരിക്കുന്ന ക്യാറ്റേച്ചിനും മറ്റ് ആന്റി ഓക്സിഡന്റുകളും ചീത്ത കൊളസ്ട്രോളിനെ കുറച്ച് കൊണ്ടുവരും.
. തണ്ണിമത്തനിൽ അടങ്ങിയ ലൈക്കോപീൻ എന്ന കരോട്ടിനോയ്ഡ് ചീത്ത കൊളസ്ട്രോൾ കുറയ്ക്കാൻ സഹായിക്കും. കൂടാതെ നല്ല കൊളസ്ട്രോൾ മെച്ചപ്പെടുത്താനും തണ്ണിമത്തന് കഴിയും.
. ഓട്സ് ഇവ ചീത്ത കൊളസ്ട്രോളിന്റെ അളവ് കുറയ്ക്കുകയും ഇൻസുലിന് പ്രതിരോധം മെച്ചപ്പെടുത്തുകയും ചെയ്യുന്നു.ആരോഗ്യകരമായ ശരീരഭാരം നിലനിർത്താനും ഓട്സ് സഹായിക്കും.
.തക്കാളിയില് അടങ്ങിയിരിക്കുന്ന ലൈകോപെന് സംയുക്തങ്ങള് ലിപിഡ് തോത് മെച്ചപ്പെടുത്തുകയും ചീത്ത കൊളസ്ട്രോള് കുറയ്ക്കുകയും ചെയ്യും.
. ബ്ലൂബെറി, സ്ട്രോബെറി, റാസ്ബെറി തുടങ്ങിയ ബെറിപ്പഴങ്ങൾ എല്ലാം കൊളസ്ട്രോൾ കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കും.
. നാരുകൾ ധാരാളം അടങ്ങിയ മുഴുധാന്യങ്ങൾ കൊളസ്ട്രോൾ നിയന്ത്രിക്കാൻ സഹായിക്കും. ഒപ്പം ഇവ ശരീരത്തിന്റെ മൊത്തം ആരോഗ്യത്തിനും നല്ലതാണ്.