ക്യാൻസറിനെ തടയാൻ സഹായിക്കുന്ന മികച്ച ഭക്ഷണങ്ങൾ ഇതാ..

ക്യാൻസർ ഒരു മാരകരോഗമായി കണക്കാക്കപ്പെടുന്നുണ്ടെങ്കിലും, മിക്കപ്പോഴും ഇത് ജീവിതശൈലിയിലെ പ്രശ്നങ്ങളായ പൊണ്ണത്തടി, പ്രമേഹം, മോശം ഭക്ഷണക്രമം എന്നിവയിൽ നിന്നാണ് ഉണ്ടാകുന്നത്. ജീവിതശൈലി മാറ്റങ്ങളിലൂടെയും ഭക്ഷണക്രമത്തിലെ ചില ക്രമീകരണങ്ങളിലൂടെയും ക്യാൻസർ സാധ്യത ഗണ്യമായി കുറയ്ക്കാൻ കഴിയുമെന്ന് ഗ്യാസ്ട്രോഎൻട്രോളജിസ്റ്റായ ഡോ. സൗരഭ് സേഥി പറയുന്നു. ദിവസവും നിങ്ങളുടെ ഭക്ഷണത്തിൽ ഉൾപ്പെടുത്തേണ്ട മൂന്ന് പ്രധാന ഭക്ഷണങ്ങൾ ഇതാ

മറ്റൊരു ഭക്ഷണമാണ് ക്യാരറ്റ്. കാരറ്റിൽ കരോട്ടിനോയിഡുകൾ, ബീറ്റാ കരോട്ടിൻ ധാരാളമായി അടങ്ങിയിട്ടുണ്ട്. ക്യാൻസറിന് കാരണമാകുന്ന കോശങ്ങളിൽ നിന്ന് സംരക്ഷിക്കുകയും ചെയ്യുന്നു. ക്യാരറ്റ് കൂടുതലായി അടങ്ങിയ ഭക്ഷണക്രമം ശ്വാസകോശം, ആമാശയം, പ്രോസ്റ്റേറ്റ് തുടങ്ങിയ അർബുദ സാധ്യത കുറയ്ക്കുന്നതായി ഗവേഷണങ്ങൾ പറയുന്നു.

അല്ലിസിൻ എന്ന സംയുക്തം വെളുത്തുള്ളിയിൽ അടങ്ങിയിരിക്കുന്നു. ഇത് ക്യാൻസർ കോശങ്ങളുടെ വളർച്ചയെ തടസ്സപ്പെടുത്തുന്നു. വെളുത്തുള്ളി പതിവായി കഴിക്കുന്നവർക്ക് ആമാശയം, വൻകുടൽ, സ്തനങ്ങൾ, അന്നനാളം എന്നിവയുടെ അർബുദ സാധ്യത കുറവാണെന്ന് ചില പഠനങ്ങൾ പറയുന്നു. വെളുത്തുള്ളി ദോഷകരമായ കോശങ്ങളെ വേട്ടയാടാനും ഇല്ലാതാക്കാനുമുള്ള കഴിവ് വർദ്ധിപ്പിക്കുന്നതിലൂടെ രോഗപ്രതിരോധ സംവിധാനത്തിന് ഒരു ഉത്തേജനം നൽകുന്നു.

ബ്രാെക്കോളിയിൽ ക്യാൻസർ വിരുദ്ധ ഏജന്റുകളിലൊന്നായ സൾഫോറാഫെയ്ൻ എന്ന ഒരു തന്മാത്ര അടങ്ങിയിരിക്കുന്നു. സൾഫോറാഫെയ്ൻ ശരീരത്തെ വിഷവസ്തുക്കളെ പുറന്തള്ളാൻ സഹായിക്കുക മാത്രമല്ല ക്യാൻസർ കോശങ്ങളുടെ വളർച്ചയെ തടസ്സപ്പെടുത്താൻ കഴിയും. ബ്രാെക്കോളി പതിവായി കഴിക്കുന്നത് സ്തനാർബുദം, പ്രോസ്റ്റേറ്റ്, വൻകുടൽ ക്യാൻസറുകൾ എന്നിവയ്ക്കുള്ള സാധ്യത കുറയ്ക്കുമെന്ന് പല പഠനങ്ങളും സൂചിപ്പിക്കുന്നു. കൂടാതെ, ഹോർമോണുകളെ സന്തുലിതമായി നിലനിർത്താൻ സഹായിക്കുന്ന മറ്റൊരു ബയോആക്ടീവ് സംയുക്തമായ ഇൻഡോൾ-3-കാർബിനോൾ ബ്രോക്കോളി നൽകുന്നു. അവയിൽ അടങ്ങിയിരിക്കുന്ന സംരക്ഷിത ഫൈറ്റോകെമിക്കലുകൾ സംരക്ഷിക്കാനുള്ള മാർഗമാണ് പച്ചക്കറികൾ ചെറുതായി ആവിയിൽ വേവിക്കുന്നത്. അമിതമായി വേവിക്കുന്നത് ഒഴിവാക്കണം. കാരണം പൂർണ്ണമായി തിളപ്പിച്ചാൽ ആ ഗുണങ്ങളിൽ പലതും നഷ്ടപ്പെടും. ആഴ്ചയിൽ മൂന്ന് തവണ ബ്രോക്കോളി ഉൾപ്പെടുത്തുന്നത് ശരീരത്തിന്റെ പ്രതിരോധ സംവിധാനങ്ങളെ ഗണ്യമായി ശക്തിപ്പെടുത്തും.