പ്രതിരോധശേഷി കൂട്ടുന്നതിന് കുതിർത്ത ബദാം പതിവായി കഴിക്കൂ

പ്രഭാതഭക്ഷണത്തി‌ൽ ഒരു പിടി ബദാം ഉൾപ്പെടുത്തുന്നത് ‌രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഫലപ്രദമാണ്.ബദാമിലെ വിറ്റാമിൻ ഇ ചർമ്മത്തെ മിനുസമാർന്നതും മൃദുലവുമാക്കും. ബദാം ഓയിൽ ചർമ്മത്തിന് ഉപയോഗിക്കുന്നതും ഗുണം ചെയ്യും. മുടിയുടെ പ്രശ്നങ്ങളെ ചെറുക്കാനും ബദാം സഹായിക്കും.

ബദാമിലെ മോണോസാച്ചുറേറ്റഡ് കൊഴുപ്പുകൾ വിശപ്പ് നിയന്ത്രിക്കുക ചെയ്യുന്നു.  അവ അമിതമായി ഭക്ഷണം കഴിക്കുന്നത് ഒഴിവാക്കാനും ശരീരഭാരം കുറയ്ക്കാനും സഹായിക്കും

തലച്ചോറിൻ്റെ പ്രവർത്തനത്തിന്  ബദാം സഹായകമാണ്. ഇതിലെ വൈറ്റമിൻ ഇ ഓർമ്മശക്തി കൂട്ടുന്നതിന് സഹായിക്കുന്നു.നാരുകൾ, പ്രോട്ടീൻ, വിറ്റാമിൻ ഇ, മഗ്നീഷ്യം എന്നിവ അടങ്ങിയ ബദാം പ്രതിരോധശേഷി കൂട്ടുന്നതിന് സഹായിക്കുന്നു. 

കുതിർത്ത ബദാമിൽ ഫോളിക് ആസിഡ് അടങ്ങിയിട്ടുണ്ട്. ഇത് കുട്ടികളിലെ ബുദ്ധിവികാസത്തിലും വളർച്ചയ്ക്കും സഹായിക്കും. ബദാമിന് കുറഞ്ഞ ഗ്ലൈസെമിക് സൂചികയാണുള്ളത്. സമീകൃതാഹാരത്തിന്റെ ഭാഗമായി കഴിക്കുമ്പോൾ രക്തത്തിലെ പഞ്ചസാരയുടെ അളവ് സ്ഥിരപ്പെടുത്താനും ഇൻസുലിൻ സ്‌പൈക്കുകളുടെ സാധ്യത കുറയ്ക്കാനും കുതിർത്ത ബദാം സഹായിക്കും.