ഡിസ്ലിപിഡീമിയ രോഗികളിൽ കൊഴുപ്പ് ആരോഗ്യകരമായി നിലനിർത്താൻ ഇത് കഴിക്കാം

പല പറമ്പുകളിലും സമൃദ്ധമായി മുളച്ചുയർന്നു നിൽക്കുന്ന കൂവയുടെ പ്രാധാന്യം പലർക്കുമറിയില്ല. ആരോഗ്യത്തിന് പല ഗുണങ്ങളും നല്‍കുന്ന ഒന്നാണ് കൂവക്കിഴങ്ങ്. ഇത് ഉണക്കിപ്പൊടിച്ചുണ്ടാക്കുന്ന കൂവപ്പൊടി കൊണ്ടുള്ള വിഭവങ്ങളും മികച്ചതാണ്. ഏതു വിധേനയാണ് കൂവ ആരോഗ്യപരമാണെന്ന് പറയാനാകുന്നതെന്നറിയാം.

​പ്രോട്ടീൻ​

കാർബോഹൈഡ്രേറ്റ്, പ്രോട്ടീൻ, മറ്റ് സുപ്രധാന പോഷകങ്ങൾ എന്നിവയുടെ സമ്പുഷ്ടമായ ഉറവിടമാണ് കൂവപ്പൊടി. ചേന, കപ്പ, മധുരക്കിഴങ്ങ് എന്നിവയോട് സാമ്യമുള്ള ഒരു അന്നജം അടങ്ങിയ പച്ചക്കറിയാണ് കൂവക്കിഴങ്ങ്. മറ്റ് കിഴങ്ങുകളേക്കാൾ 5 ഗ്രാം പ്രോട്ടീൻ അരോറൂട്ട് കൂടുതൽ നൽകുന്നു. ഇത് ശരീരത്തിന്റെ സാധാരണ വളർച്ചയ്ക്കും വികാസത്തിനും സഹായിക്കുന്നു.അത് ധാരാളം ഔഷധ, ചികിത്സാ ഗുണങ്ങൾ നൽകുന്നു. മറ്റ് അന്നജങ്ങളിൽ നിന്ന് വ്യത്യസ്തമായി കാർബോഹൈഡ്രേറ്റ്, അവശ്യ പോഷകങ്ങൾ എന്നിവ ഇതിൽ കൂടുതലായി അടങ്ങിയിട്ടുണ്ട്.

​തടി കുറയ്ക്കാന്‍ ​

തടി കുറയ്ക്കാന്‍ സഹായിക്കുന്ന ഒരു ഉത്തമ കിഴങ്ങുവര്‍ഗമാണ് ഇത്. കൂവ പൊടിയിൽ 32% പ്രതിരോധശേഷിയുള്ള അന്നജവും വലിയ അളവിൽ ലയിക്കാത്ത ഫൈബറും അടങ്ങിയിരിക്കുന്നു, ഇത് വിശപ്പ് അനുഭവപ്പെടാതെ സംതൃപ്തരാക്കുകയും ചെയ്യുന്നു. ഇത് വിശപ്പ് നിയന്ത്രിക്കാനും ശരീരഭാരം കുറയ്ക്കാനും സഹായിക്കുന്നു. പ്രോട്ടീന്റെ നല്ല ഉറവിടം കൂടിയായ കൂവ വയർ നിറച്ച് നിർത്താനും അനാവശ്യമായ വിശപ്പ് നിയന്ത്രിക്കുന്നതിനും കലോറി കുറയ്ക്കുവാനും സഹായിക്കുകയും ചെയ്യുന്നു. വയറിളക്കവും മറ്റ് ദഹന സംബന്ധമായ അപാകതകളും ചികിത്സിക്കുന്നതിനുള്ള ഫലപ്രദമായ പരമ്പരാഗത പരിഹാരമായും ഇത് ഉപയോഗിക്കുന്നു.
​
​നല്ല കൊളസ്ട്രോൾ ​

ബി-വിറ്റാമിനുകളായ റിബോഫ്ലേവിൻ, നിയാസിൻ, ഫോളേറ്റ് എന്നിവ കൂവയിൽ അടങ്ങിയിട്ടുണ്ട്. നല്ല കൊളസ്ട്രോൾ അളവ് വർദ്ധിപ്പിക്കുന്നതിനും ഹൃദ്രോഗ സാധ്യത കുറയ്ക്കുന്നതിനും നിയാസിൻ വളരെയധികം ഗുണം ചെയ്യും.ഇത് ചുവന്ന രക്താണുക്കളുടെ രൂപവത്കരണത്തിനും കോശങ്ങളുടെ വിഭജനത്തിനും വളർച്ചയ്ക്കും വിളർച്ച ചികിത്സിക്കുന്നതിനും സഹായിക്കുന്നു.​നിരവധി ശാരീരിക പ്രക്രിയകളും പ്രവർത്തനങ്ങളും നിർവഹിക്കുന്നതിൽ ബി- കോംപ്ലക്സ് വിറ്റാമിനുകൾക്ക് പ്രധാന പങ്കുണ്ട്.
ഇതുകൂടാതെ, നാഡീവ്യവസ്ഥയിലേക്കുള്ള രക്തചംക്രമണം വർദ്ധിക്കുന്നത് ബുദ്ധിശക്തി, ഓർമ്മശക്തി, തലച്ചോറിന്റെ ശക്തി എന്നിവ വർദ്ധിപ്പിക്കുന്നു.

​ഹൃദയ സംബന്ധമായ രോഗങ്ങൾ ​

ഹൃദയ സംബന്ധമായ രോഗങ്ങൾ പിടിപ്പെടാനുള്ള സാധ്യത കുറയ്ക്കുന്നു. കൂടാതെ, കൂവയിൽ അടങ്ങിയ ബയോ ആക്റ്റീവ് സംയുക്തങ്ങളായ ആൽക്കലോയിഡുകൾ, ഫിനോളിക് സംയുക്തങ്ങൾ, ഫ്ലൂവോണുകൾ, സപ്പോണിനുകൾ എന്നിവ കൊളസ്ട്രോളിന്റെ അളവ് കുറയ്ക്കുന്നതിനും ഡിസ്ലിപിഡീമിയ രോഗികളിൽ കൊഴുപ്പ് ആരോഗ്യകരമായി നിലനിർത്തുന്നതിനും സഹായിക്കുന്നു. കൂവയിൽ അടങ്ങിയിരിക്കുന്ന പൊട്ടാസ്യം വൃക്കയിൽ നിന്നുള്ള മാലിന്യങ്ങളും വിഷവസ്തുക്കളും നീക്കം ചെയ്യുന്നു. രക്തസമ്മർദ്ദം നിയന്ത്രിക്കുന്നതിനും വൃക്കകളുടെ പ്രവർത്തനം ആരോഗ്യകരമാണെന്ന് ഉറപ്പാക്കുന്നതിനും ഇത് നിർണ്ണായകമാണ്. ഇവ കൂടാതെ, മൂത്രസഞ്ചി, മൂത്രനാളി അണുബാധ എന്നിവ ചികിത്സിക്കാൻ കൂവ പൊടിയുടെ ആന്റി ഇൻഫ്ലമേറ്ററി ഗുണങ്ങൾ സഹായിക്കുന്നു.
​
ചർമ്മത്തിൽ ​

ചർമ്മത്തിന്റെ സ്വാഭാവിക തിളക്കവും ഭംഗിയും തിരികെ കൊണ്ടുവരുന്നതിനും ആരോറൂട്ട് അടിസ്ഥാനമാക്കിയുള്ള ഫെയ്സ് മാസ്ക് ഉപയോഗിക്കുന്നത് വളരെ നല്ലതാണ്. കൂവ മുഖക്കുരുവിന്റെ പാടുകൾ, തിണർപ്പ്, നിറവ്യത്യാസം എന്നിവയ്ക്ക് നല്ലൊരു പരിഹാരമാണ് കൂടാതെ, ബയോ ആക്റ്റീവ് സംയുക്തങ്ങൾ അടങ്ങിയ കൂവ പൊടി ചർമ്മത്തിൽ ഈർപ്പം നിലനിർത്താനും സഹായിക്കുന്ന സൗന്ദര്യസംരക്ഷണ ഉൽപ്പന്നങ്ങളിൽ വ്യാപകമായി ഉപയോഗിക്കുന്നു.