.jpg)
സ്ട്രെച്ച് മാർക്കുകൾ മാറ്റാന്‍ കറ്റാർവാഴ
ചർമ്മത്തിൽ സ്ട്രെച്ച് മാർക്കുകൾ വരുന്നത് സാധാരണമാണ്. പല കാരണങ്ങൾ കൊണ്ടും ശരീരത്തിൽ സ്ട്രെച്ച് മാർക്‌സ് ഉണ്ടാകാം. പ്രത്യേകിച്ച് പ്രസവശേഷം വയറിൽ ഉണ്ടാകുന്ന സ്ട്രെച്ച് മാർക്കുകൾ വളരെ സ്വാഭാവികമാണ്. പെട്ടെന്ന് വണ്ണം കൂടുകയും കുറയുകയും ചെയ്യുമ്പോൾ സ്ട്രെച്ച് മാർക്കുകൾ ഉണ്ടാകാറുണ്ട്.
സ്ട്രെച്ച് മാർക്കുകൾ മാറാൻ ഏറ്റവും മികച്ചതാണ് കറ്റാർവാഴ ജെൽ. കറ്റാർവാഴ ജെല്ലിൽ സുപ്രധാന പോഷകങ്ങളും വിറ്റാമിനുകളും അടങ്ങിയിട്ടുണ്ട്. ഇത് ചർമ്മകോശങ്ങളുടെ പുനരുജ്ജീവനത്തിനും കാലക്രമേണ സ്ട്രെച്ച് മാർക്ക് നീക്കം ചെയ്യുന്നതിനും സഹായിക്കും.
ഒന്ന്...ഒരു ടീസ്പൂൺ ഗ്ലിസറിൻ, 1 ടേബിൾസ്പൂൺ കറ്റാർവാഴ ജെൽ എന്നിവ നന്നായി യോജിപ്പിച്ച് പാക്ക് ഉണ്ടാക്കുക. ശേഷം സ്ട്രെച്ച് മാർക്കുകളുള്ള ഭാഗത്ത് പുരട്ടുക. ആഴ്ചയിൽ രണ്ടോ രണ്ടോ തവണ ഇത് ഇടാം.
രണ്ട്...ഒരു ടീസ്പൂൺ കറ്റാർവാഴ ജെല്ലും തൈര് മിക്സ് ചെയ്ത് പാക്ക് ഉണ്ടാക്കുക.ശേഷം സ്ട്രെച്ച് മാർക്കുകളുള്ള ഭാഗത്ത് പുരട്ടുക. ആഴ്ചയിൽ രണ്ടോ മൂന്നോ തവണ ഇത് ഇടാവുന്നതാണ്.
മൂന്ന്...സ്ട്രെച്ച് മാർക്കുകൾ അകറ്റാനുള്ള ഏറ്റവും മികച്ച മാസ്‌കുകളിൽ ഒന്നാണ് നാരങ്ങയും കറ്റാർ വാഴയും. ഒരു ടേബിൾ സ്പൂൺ പുതിയ കറ്റാർവാഴ ജെല്ലും ഏകദേശം അര ടീസ്പൂൺ നാരങ്ങ നീരും യോജിപ്പിക്കുക. ശേഷം സ്ട്രെച്ച് മാർക്കുകളിൽ പുരട്ടുക.
