വാഴയിലയിൽ തയ്യാറാക്കാം അടിപൊളി പലഹാരം

ചേരുവകൾ
ഗോതമ്പുപൊടി: 2 കപ്പ്
ചെറുപഴം: 4 എണ്ണം (നന്നായി ഉടച്ചത്)
തേങ്ങ ചിരകിയത്: 1 കപ്പ്
ശർക്കരപ്പാനി: ആവശ്യത്തിന് (മധുരത്തിനനുസരിച്ച്)
ഏലയ്ക്കാപ്പൊടി: 3 - 4 എണ്ണം പൊടിച്ചത്
ജീരകപ്പൊടി (വറുത്തു പൊടിച്ചത്): 1 നുള്ള്
ഉപ്പ്: 1 നുള്ള്
വാഴയില: ആവശ്യത്തിന് (ചൂടാക്കി വഴക്കിയെടുത്തത്)
തയ്യാറാക്കുന്ന വിധം
മാവ് തയ്യാറാക്കൽ:
ഒരു വലിയ പാത്രത്തിൽ ഗോതമ്പുപൊടി, ഉടച്ചു വെച്ചിരിക്കുന്ന ചെറുപഴം, ചിരകിയ തേങ്ങ, ഏലയ്ക്കാപ്പൊടി, വറുത്തു പൊടിച്ച ജീരകപ്പൊടി, ഒരു നുള്ള് ഉപ്പ് എന്നിവ എടുക്കുക.
ഇതിലേക്ക് ആവശ്യത്തിന് ശർക്കരപ്പാനി കുറശ്ശെയായി ഒഴിച്ച് നന്നായി കുഴച്ചെടുക്കുക. അട പരത്താൻ പാകത്തിന് സോഫ്റ്റായ മാവായിരിക്കണം തയ്യാറാക്കേണ്ടത്.
ഇലയിൽ പരത്തൽ:
വാഴയില കഷണങ്ങൾ ചെറുതായി തീയിൽ കാണിച്ച് വഴക്കിയെടുക്കുക (ഇത് അട മടക്കുമ്പോൾ ഇല കീറിപ്പോകാതിരിക്കാൻ സഹായിക്കും).
വഴറ്റിയ വാഴയിലയിൽ തയ്യാറാക്കിയ മാവിൽ നിന്നും ചെറിയൊരു ഉരുള വെച്ച് കൈകൊണ്ട് കനം കുറച്ച് പരത്തുക.
ശേഷം ഇല പകുതിയായി മടക്കി വശങ്ങൾ നന്നായി ഒട്ടിച്ചു അമർത്തുക.
ആവിയിൽ വേവിക്കൽ:
ഒരു അപ്പച്ചെമ്പോ (Steamer) ഇഡ്ഡലി പാത്രമോ അടുപ്പത്ത് വെച്ച് വെള്ളം തിളപ്പിക്കുക.
ആവി വരുംപോൾ തയ്യാറാക്കി വെച്ചിരിക്കുന്ന ഇല അടകൾ തട്ടിൽ വെച്ച് മൂടിവെക്കുക.
മിതമായ തീയിൽ 10 - 15 മിനിറ്റ് ആവിയിൽ നന്നായി വേവിച്ചെടുക്കുക.
നല്ല മണവും രുചിയുമുള്ള ചൂടുള്ള നാടൻ ഇല അട തയ്യാർ! നാലുമണിപ്പലഹാരമായി കഴിക്കാൻ തികച്ചും അനുയോജ്യമാണ്.