വെജിറ്റബിൾ സ്റ്റ്യൂ തയ്യാറാക്കാം
ചേരുവകൾ
ഉരുളകിഴങ്ങ് -2
ക്യാരറ്റ് -1
ബീൻസ് -4
ഗ്രീൻപീസ് ഫ്രോസൻ (നിർബന്ധമില്ല)-1/2 റ്റീകപ്പ്
ഇഞ്ചി അരിഞത്-1.5 റ്റീസ്പൂൺ
വെള്ളുതുള്ളി അരിഞത്- 1 റ്റീസ്പൂൺ(,വെള്ളുതുള്ളി വേണ്ടെങ്കിൽ ഒഴിവാക്കാം ,ചിലരു സ്റ്റ്യൂവിനു ഇത് ചേർക്കാറില്ല) കോളീ ഫ്ലവറും ചേർക്കാവുന്നതാണു
പച്ചമുളക് -4
സവാള -1
കറിവേപ്പില -2 തണ്ട്
കറുവപട്ട -2 കഷണം
ഗ്രാമ്പൂ -2
ഏലക്ക -2
പെരുംജീരകം -1 നുള്ള്
തേങ്ങയുടെ രണ്ടാം പാൽ -2റ്റീകപ്പ്
ഒന്നാം പാൽ -3/4 റ്റീകപ്പ്
ഉപ്പ്, എണ്ണ - പാകത്തിനു
കുക്കർ അടുപ്പത് വച്ച് കുറച്ച് എണ്ണ ഒഴിച്ച് ചൂടാകുമ്പോൾ കറുവപട്ട, ഏലക്കാ, ഗ്രാമ്പൂ,പെരുംജീരകം ഇവ ചേർത്ത് മൂപ്പിക്കുക
ശെഷം സവാള അരിഞത്, പച്ചമുളക് നെടുകെ കീറിയത്, ഇഞ്ചി,വെള്ളുതുള്ളി ഇവ ചേർത്ത് വഴറ്റുക.
വഴന്റ ശെഷം ഉരുളകിഴങ്ങ്, ക്യാരറ്റ്, ബീൻസ്, ഗ്രീൻപീസ്, ( കോളിഫ്ലവർ ഉണ്ടെങ്കിൽ അതും ചേർക്കാം) ഇവയും പാകത്തിനു ഉപ്പും ചേർത്ത് വഴറ്റുക.
ശെഷം തേങ്ങയുടെ 2 ആം പാലും ചേർത്ത് ഇളക്കി കുക്കർ അടച്ച് 2-3 വിസ്സിൽ വരുന്ന വരെ വേവിക്കുക.ഒന്ന് കുറുകി ഇരിക്കണം.
പിന്നീട് കുക്കർ തുറന്ന് ഒന്നാം പാൽ ചേർത്ത് ഇളക്കി ഒന്ന് ചൂടായ ശെഷം തീ ഓഫ് ചെയ്ത് എണ്ണ ,കറിവേപ്പില ഇവ കൂടെ മേലെ തൂകി ഇളക്കി ഉപയോഗിക്കാം.