ചോറിനൊപ്പം ഒരു സ്പൂൺ വാഴപ്പിണ്ടി അച്ചാർ മതി

ആവശ്യമായ സാധനങ്ങൾ
വാഴപ്പിണ്ടി – 2 കപ്പ് (ചെറുതായി അരിഞ്ഞത്)
മുളകുപൊടി – 2 ടേബിൾസ്പൂൺ
മഞ്ഞൾപ്പൊടി – ½ ടീസ്പൂൺ
കായപ്പൊടി – ¼ ടീസ്പൂൺ
ഉലുവപ്പൊടി – ½ ടീസ്പൂൺ
കടുക് – 1 ടീസ്പൂൺ
വെളുത്തുള്ളി – 8–10 അല്ലി (അരിഞ്ഞത്)
ഇഞ്ചി – 1 ടേബിൾസ്പൂൺ (അരിഞ്ഞത്)
കറിവേപ്പില – 2 തണ്ട്
വിനാഗിരി – 3 ടേബിൾസ്പൂൺ
ഉപ്പ് – ആവശ്യത്തിന്
നല്ലെണ്ണ – 4 ടേബിൾസ്പൂൺ

തയ്യാറാക്കുന്ന വിധം

വാഴപ്പിണ്ടി ചെറുതായി അരിഞ്ഞ് അല്പം ഉപ്പും മഞ്ഞളും ചേർത്ത വെള്ളത്തിൽ 5 മിനിറ്റ് വേവിക്കുക. ശേഷം വെള്ളം വാർത്ത് മാറ്റിവയ്ക്കുക.
ഒരു ചീനച്ചട്ടിയിൽ നല്ലെണ്ണ ചൂടാക്കി കടുക് പൊട്ടിക്കുക.
വെളുത്തുള്ളി, ഇഞ്ചി, കറിവേപ്പില എന്നിവ ചേർത്ത് വഴറ്റുക.
തീ കുറച്ച് മുളകുപൊടി, മഞ്ഞൾപ്പൊടി, കായപ്പൊടി എന്നിവ ചേർത്ത് ഇളക്കുക.
വേവിച്ച വാഴപ്പിണ്ടി ചേർത്ത് നന്നായി യോജിപ്പിക്കുക.
ഉപ്പ്, ഉലുവപ്പൊടി, വിനാഗിരി എന്നിവ ചേർത്ത് 2–3 മിനിറ്റ് കൂടി ഇളക്കി വേവിക്കുക.
തണുത്ത ശേഷം വൃത്തിയുള്ള കുപ്പിയിലേക്ക് മാറ്റി സൂക്ഷിക്കാം.